شہ سرخیاں
بنیادی صفحہ / پاکستان / اےپی ایس کے بچوں کی قربانیاں رائیگاں نہیں جائیں گی : آرمی چیف

اےپی ایس کے بچوں کی قربانیاں رائیگاں نہیں جائیں گی : آرمی چیف

راولپنڈی (مانیٹرنگ سیل) آرمی چیف جنرل قمرجاویدباجوہ کا کہنا ہے کہ اےپی ایس کےبچوں کی قربانیاں رائیگاں نہیں جائیں گی، شہید بچوں اور ان کے خاندانوں کی قربانیاں وطن سے محبت کی عکاس ہیں۔ پاک فوج کے تعلقاتِ عامہ آئی ایس پی آر کے مطابق آرمی چیف جنرل قمرجاویدباجوہ نے سانحہ اے پی ایس کی تیسری برسی کے موقع پر اے پی ایس پشاور کے شہدا کو خراج عقیدت پیش کرتے ہوئے کہا کہ شہیدبچوں اوران کےخاندانوں کی قربانیاں وطن سےمحبت کی عکاس ہیں۔ آرمی چیف کا کہنا تھا کہ شہداکی قربانیاں ناقابل فراموش ہیں ، اےپی ایس کےبچوں کی قربانیاں رائیگاں نہیں جائیں گی،امن کی بہتری کیلئے بچوں کی قربانیاں قرض ہیں۔ یاد رہے کہ 16 دسمبر 2014 کی صبح جب پشاور کے آرمی پبلک اسکول میں خون کی ہولی کھیلی گئی اور خود کو بہادر سمجھنے والے بزدل دہشتگردوں نے بچوں پر حملہ کیا سانحےمیں132طلبہ سمیت141افرادشہید ہوئے جبکہ اس بزدلانہ حملے میں متعدد طلبا زخمی ہوئے، واقعے نے پوری قوم کو جھنجھوڑ کر رکھ دیا تھا۔

error: Content is Protected!!