شہ سرخیاں
Home / پاکستان / اسلام آباد: حلف نامہ پر دستخط نہ کرنے کی پاداش میں برطرف کیا گیا۔ نعیم خان لودھی

اسلام آباد: حلف نامہ پر دستخط نہ کرنے کی پاداش میں برطرف کیا گیا۔ نعیم خان لودھی

اسلام آباد: پاکستانی حکومت کی جانب سے برطرف کئے جانے والے سیکریٹری دفاع جنرل ریٹائرڈ نعیم خالد لودھی نے کہا ہے کہ انہیں حکومتی حلف نامے پر دستخط نہ کرنے کی پاداش میں برطرف کیا گیا ہے۔

ان خیالات کا اظہار انہوں نے پاکستان کے نجی ٹیلی ویژن سے گفتگو کرتے ہوئے کیا۔ خالد لودھی نے کہاکہ میرے سامنے ایک حلف نامہ رکھا گیا تھا جو حکومت کی جانب سے خاص طور پر لکھا گیا تھا کہ میمو کاغذ کا ٹکڑا ہے اس کی کوئی حیثیت نہیں۔

سابق سیکریٹری دفاع کا کہنا ہے کہ انہوں نے حکومت سے کہا کہ یہ قانونی نکتہ ہے، ایسی اسٹیٹمنٹ جو میری نہیں اس پر میں کیسے دستخط کرسکتا ہوں۔

انہوں نے کہا کہ مجھ سے سپریم کورٹ نے جو پوچھا اس کا جواب دیا تھا، اس پر وزیر دفاع نے وضاحت مانگی لیکن تحقیقات اور شوکاز نوٹس جاری کئے بغیر ہی مجھے برطرف کردیا گیا جب کہ وزیر اعظم نے بھی برطرفی کی وجہ نہیں بتائی۔

ان کا مزید کہنا تھا کہ حکومت نے غلطی کا احساس ہونے پر برطرف کیا جب کہ وزیر اعظم کی جانب سے لگائے جانے والے الزامات کہ میری وجہ سے غلط فہمیاں پیدا ہورہی ہیں وہ بھی ثابت نہیں ہوسکتا۔

x

Check Also

لاہور:اسپتال میں جگہ نہ ملنے پررکشے میں بچے کا جنم

لاہور(مانیٹرنگ سیل) پنجاب میں ایک اور ماں نے اسپتال کے باہر رکشے ...

Connect!