شہ سرخیاں
Home / تازہ ترین / بھائی پھیرو:وزیر اعظم پاکستان کا فقید المثال استقبال کیا جائے گا،رانا حیات ایم این اے

بھائی پھیرو:وزیر اعظم پاکستان کا فقید المثال استقبال کیا جائے گا،رانا حیات ایم این اے

بھائی پھیرو(نامہ نگار) وزیر اعظم پاکستان کا فقید المثال استقبال کیا جائے گا اور پورے علاقے میں ترقیاتی کاموں کا جال بچھایا جائے گا ۔علاقے کی محرومیوں کاازالہ کیا جائے گا ان خیالات کا اظہار ممبر قومی اسمبلی رانا محمد حیات خاں نے بھائی پھیرو کے صحافیوں کی ایک پر ہجوم پریس کانفرنس سے خطاب کرتے ہوئے کیا ۔ اس موقع پر شہر بھر کے معززین ،سیاسی و سماجی کارکن اور بلدیاتی نمائندوں کی بھاری تعداد بھی موجود تھی ۔رانا حیات نے کہا کہ 29اکتوبر کو وزیر اعظم پاکستان میاں محمد نواز شریف بھائی پھیرو میں ایک بہت بڑے جلسہ عام سے خطاب کریں گے اور اس جلسہ میں نہ صرف بھائی پھیرو بلکہ ضلع بھر سے ممبران قومی و صوبائی اسمبلی ،بلدیاتی نمائندے اور مسلم لیگ ن کے کارکن بڑی تعداد میں شریک ہونگے یہ جلسہ بھائی پھیرو کے علاقے کی تقدیر بدل دے گا اور اس میں اربوں روپے کے ترقیاتی کاموں کی منظوری لی جائے گی ۔عوام سے ترقیاتی کاموں کی تجاویز لینے کے بعد انہوں نے کہا کہ شہر اور دیہاتوں میں سوئی گیس کی فراہمی ،ایک بہت بڑے جدید ہسپتال کی تعمیر ،گرلز اور بوائز ہائی سکول کی تعمیر ،شہر اور ہیڈ بلوکی روڈ کی تعمیر نو اور دیگر کئی ترقیاتی منصوبے زیر غور ہیں ۔پریس کلب بھائی پھیرو کے صدر شیخ خالد رفیق کے سوال کے جواب میں انہوں نے بھائی پھیرو شہر کے دیرینہ اور سب کے بڑے مسئلے گندے پانی کے نکاس کے حوالے سے بتایا کہ بھائی پھیرو شہر کو حقیقی معنوں میں پھولنگر بنانے کے لئے شہر کے گندے پانی کے نکاس کے لئے بڑے منصوبے کا اعلان کیا جائے گا اور شہر کے گندے پانی کو پختہ کھالوں کے ذریعے باہر نکالنے کے لئے منصوبہ بنایا جائے گا اور شہر کے اندر سے ناجائز تجاوزات اور اڈووں کو ختم کر کے رکشوں اور گاڑیوں کے لئے متبادل جگہ فراہم کی جائے گی ۔انہوں نے مسلم لیگ ن کے کارکنوں سے اپیل کی کہ وہ وزیر اعظم کا استقبال کرنے کے لئے عوام سے رابطے تیز کر دیں

x

Check Also

نامعلوم تیس سالہ نوجوان سول ہسپتال بھائی پھیرو میں کئی گھنٹے تڑپنے کے بعد چل بسا

بھائی پھیرو(نامہ نگار) نامعلوم تیس سالہ نوجوان سول ہسپتال بھائی پھیرو میں کئی ...

چنیوٹ : پٹرول کی قلت شدت اختیار کر گئی، پٹرول نایاب ہوگیا

چنیوٹ(بیورو رپورٹ)چنیوٹ میں بھی پٹرول کی قلت شدت اختیا ر کر گئی ...

چنیوٹ : اوباش نوجوان کی 5سالہ بچے کے ساتھ زیادتی

چنیوٹ(نامہ نگار) اوباش نوجوان کی 5سالہ بچے کے ساتھ زیا دتی تفصیلا ...

سرائے مغل: موٹرسائیکل سواروں اور رکشہ یونین نے ٹریفک پولیس کی رشوت خوری اور زیادتیوں کے خلاف احتجاجی ریلی نکالنے کی دھمکی

بھائی پھیرو(نامہ نگار)موٹرسائیکل سواروں اور رکشہ یونین نے ٹریفک پولیس کی رشوت ...

کردارکشی نہیں قائل کرناسیکھیں

دورقدیم سے دورجدید تک انسان عقل وشعور کی بہت ساری منزلیں طے ...