شہ سرخیاں
Home / پاکستان / اسلام آباد میں فوری طورپر دفعہ 144 نافذکردی گئی
loading...
اسلام آباد میں فوری طورپر دفعہ 144 نافذکردی گئی

اسلام آباد میں فوری طورپر دفعہ 144 نافذکردی گئی

اسلام آباد(بیوروچیف) ضلعی انتظامیہ نے وفاقی دارالحکومت میں فوری طور پر دفعہ 144 نافذ کرتے ہوئے جلسے، جلوس، اسلحے کی نمائش اور لاؤڈ اسپیکر کے استعمال پر پابندی عائد کردی ہے۔تفصیلات کے مطابق ضلعی انتظامیہ کی جانب سے وفاقی دارالحکومت میں فوری طور پر 2 ماہ کے لیے دفعہ 144 کا نفاذ کردیا گیا ہے جس کا نوٹیفیکیشن بھی جاری کردیا گیا ہے۔ دفعہ 144 کے تحت شہر میں تحریک انصاف کے بینرز اور سائن بورڈ لگانے پر بھی پابندی عائد کردی گئی۔نوٹیفیکیشن کے مطابق کسی بھی عوامی مقام پر 5 یا 5 سے زائد افراد کے اکھٹا ہونے اور ہر قسم کے اسلحہ کی نمائش پر پابندی ہوگی۔ شہر میں ہر قسم کی وال چاکنگ پر بھی پابندی عائد کردی گئی ہے۔کیپٹل ڈویلپمنٹ اتھارٹی نے اسلام آباد میں تحریک انصاف کی جانب سے لگائے گئے بینرز اور پوسٹر پر بھی پابندی عائد کرتے ہوئے ان کو ہٹانے کا کام شروع کردیا ہے۔واضح رہے کہ آج صبح اسلام آباد ہائی کورٹ نے تحریک انصاف اور ضلعی انتظامیہ کو ہے۔ عدالت نے سیکریٹری داخلہ کو حکم دیا ہے کہ وفاقی دارالحکومت میں کوئی کنٹینر نہیں لگے گا۔ عدالت کی جانب سے ہدایت کی گئی کہ دھرنے کے لیے پریڈ گراؤنڈ کو مختص کر کے نوٹیفیکیشن جاری کیا جائے۔

Share Button
loading...
loading...

About aqeel khan

loading...
Scroll To Top
web stats