شہ سرخیاں
Home / پاکستان / آرمی چیف جنرل راحیل شریف کا شمالی اورجنوبی وزیرستان کا دورہ

آرمی چیف جنرل راحیل شریف کا شمالی اورجنوبی وزیرستان کا دورہ

اسلام آباد (بیوروچیف) آرمی چیف جنرل راحیل شریف کا شمالی اورجنوبی وزیرستان کا دورہ۔ سڑک، سکول اور سپورٹس سٹیڈیم سمیت کئی منصوبوں کا افتتاح کیا۔ قبائلی عمائدین سے ملاقاتیں اورقبائلی جرگے سے خطاب کیا۔ آرمی چیف کا کہنا ہے کہ آپریشن ضرب عضب سے قبائلی علاقوں سے دہشت گردی کے نیٹ ورکس کا خاتمہ ہو گیا۔ امید ہے فاٹا کی نوجوان نسل تعلیم اور کھیل کی جدید سہولتوں سے فائدہ اٹھائے گی۔ تفصیلات کے مطابق ترجمان پاک فوج کی جانب سے جاری بیان کے مطابق آرمی چیف جنرل راحیل شریف نے شمالی اور جنوبی وزیرستان کا دورہ کیا ۔ انہوں نے قبائلی عمائدین کے جرگے سے خطاب کیا اور فاٹا میں کئی ترقیاتی منصوبوں کا بھی افتتاح کیا۔ آرمی چیف کو آپریشن ضرب عضب اور فاٹا میں جاری متاثرین کی دوبارہ آباد کاری کے عمل پر تفصیلی بریفنگ دی گئی۔ترجمان کے مطابق آرمی چیف نے 84کلومیٹر طویل بنوں میران شاہ غلام خان روڈ کا بھی افتتاح کیا۔ یہ سڑک افغانستان کے ساتھ تجارت کے لیے سب سے مختصر روٹ ہو گا۔ نیا راستہ کھلنے سے بنوں اور افغانستان کا راستہ ڈیڑھ گھنٹہ رہ گیا۔ آرمی چیف نے جدید سہولتوں سے مزین یونس خان سپورٹس سٹیڈیم اور چک ملائی میں نو تعمیرشدہ آرمی پبلک سکول کا بھی معائنہ کیا۔ اس موقع پر آرمی چیف کا کہنا تھا کہ امید ہے فاٹا کی نوجوان نسل تعلیم اور کھیل کی جدید سہولتوں سے فائدہ اٹھائے گی۔ اس موقع پر اپنے خطاب میں آرمی چیف کا کہنا تھا کہ آپریشن ضرب عضب کے باعث قبائلی علاقوں سے دہشت گردوں کا نیٹ روک ختم ہوگیا۔ انہوں نے فاٹا میں تعمیر و ترقی اور آبادکاری پر اطمینان کا اظہار کرتے ہوئے کہا یہ عمل 2016ءمیں ہی مکمل کرنے کی ہدایت کی۔ آرمی چیف نے قبائلی عمائدین کی جانب سے فوج کے ساتھ تعاون کی تعریف کی۔ علاقے سے دہشت گردی کے خاتمے پر قبائیلی عمائدین نے پاک فوج اور آرمی چیف کو خراج تحسین پیش کیا۔دورے کے دوران بیگم راحیل شریف نے قبائیلی خواتین سے الگ الگ ملاقاتیں کیں۔ بیگم راحیل شریف نے خواتین کو بحالی کے عمل میں پیش مشکلات دور کرنے کی یقین دہانی کرائی۔ اس سے قبل فاٹا پہنچنے پر کور کمانڈر پشاور لیفٹیننٹ جنرل ہدایت الرحمٰن نے آرمی چیف کا استقبال کیا۔

x

Check Also

نامعلوم تیس سالہ نوجوان سول ہسپتال بھائی پھیرو میں کئی گھنٹے تڑپنے کے بعد چل بسا

بھائی پھیرو(نامہ نگار) نامعلوم تیس سالہ نوجوان سول ہسپتال بھائی پھیرو میں کئی ...

چنیوٹ : پٹرول کی قلت شدت اختیار کر گئی، پٹرول نایاب ہوگیا

چنیوٹ(بیورو رپورٹ)چنیوٹ میں بھی پٹرول کی قلت شدت اختیا ر کر گئی ...

چنیوٹ : اوباش نوجوان کی 5سالہ بچے کے ساتھ زیادتی

چنیوٹ(نامہ نگار) اوباش نوجوان کی 5سالہ بچے کے ساتھ زیا دتی تفصیلا ...

سرائے مغل: موٹرسائیکل سواروں اور رکشہ یونین نے ٹریفک پولیس کی رشوت خوری اور زیادتیوں کے خلاف احتجاجی ریلی نکالنے کی دھمکی

بھائی پھیرو(نامہ نگار)موٹرسائیکل سواروں اور رکشہ یونین نے ٹریفک پولیس کی رشوت ...

کردارکشی نہیں قائل کرناسیکھیں

دورقدیم سے دورجدید تک انسان عقل وشعور کی بہت ساری منزلیں طے ...