شہ سرخیاں
Home / پاکستان / بہترین سپہ سالار کے اسٹریٹجک مشوروں کو ہمیشہ اپنایا،وزیراعظم نوازشریف

بہترین سپہ سالار کے اسٹریٹجک مشوروں کو ہمیشہ اپنایا،وزیراعظم نوازشریف

اسلام آباد(بیوروچیف) آرمی چیف جنرل راحیل شریف کے اعزاز میں وزیراعظم کی جانب سے الوداعی عشائیہ دیا گیا۔ اہم عسکری اور سیاسی شخصیات نے بھی شرکت کی۔ اپنی نوعیت کی منفرد اور اہم تقریب میں آمد پر میزبان وزیراعظم نواز شریف نے مہمان خاص جنرل راحیل شریف کا پرتپاک استقبال کیا۔ جنرل راحیل شریف ہشاش بشاش نظر آئے اور مسکراہٹ ان کے چہرے پر نمایاں تھی۔ عشائیے میں چیئرمین جوائنٹ چیفس آف اسٹاف کمیٹی، ائیر اور نیول چیفس، سینئر ترین جنرلز، وزراء، اعلیٰ سیاسی شخصیات نے بھی شرکت کی۔ عشائیے کے دوران وزیراعظم نے مسلح افواج کے سربراہوں کے ساتھ گروپ فوٹو بھی بنوایا۔ وزیراعظم اور آرمی چیف نے عشائیہ کے شرکاء سے فرداً فرداً مصافحہ بھی کیا۔آرمی چیف کے اعزاز میں الوداعی تقریب سے خطاب کرتے ہوئے وزیر اعظم نواز شریف نے کہا تقریب کا مقصد آرمی چیف راحیل شریف کو شاندار خدمات پر خراج تحسین پیش کرنا ہے۔ راحیل شریف نے بطورآرمی چیف شاندارخدمات انجام دیں۔ جنرل راحیل کا خاندان ملکی دفاعی خدمات کے نام سے جانا جاتا ہے۔ وزیراعظم کا اپنے خطاب میں کہنا تھا جنرل راحیل شریف کو غیر معمولی قابلیت کی بنا پر آرمی چیف مقرر کیا گیا اور راحیل شریف نے محنت اور لگن سے خود کو بے مثال سپہ سالار ثابت کیا۔انہوں نے مزید کہا جنرل راحیل شریف کی زیر قیادت فوج نے دہشت گردوں کو ہر محاذ پر شکست دی۔ بہترین سپہ سالار کے اسٹریٹجک مشوروں کو ہمیشہ اپنایا اور مستقبل میں بھی ان سے مشاورت کرتے رہیں گے

 

x

Check Also

نامعلوم تیس سالہ نوجوان سول ہسپتال بھائی پھیرو میں کئی گھنٹے تڑپنے کے بعد چل بسا

بھائی پھیرو(نامہ نگار) نامعلوم تیس سالہ نوجوان سول ہسپتال بھائی پھیرو میں کئی ...

چنیوٹ : پٹرول کی قلت شدت اختیار کر گئی، پٹرول نایاب ہوگیا

چنیوٹ(بیورو رپورٹ)چنیوٹ میں بھی پٹرول کی قلت شدت اختیا ر کر گئی ...

چنیوٹ : اوباش نوجوان کی 5سالہ بچے کے ساتھ زیادتی

چنیوٹ(نامہ نگار) اوباش نوجوان کی 5سالہ بچے کے ساتھ زیا دتی تفصیلا ...

سرائے مغل: موٹرسائیکل سواروں اور رکشہ یونین نے ٹریفک پولیس کی رشوت خوری اور زیادتیوں کے خلاف احتجاجی ریلی نکالنے کی دھمکی

بھائی پھیرو(نامہ نگار)موٹرسائیکل سواروں اور رکشہ یونین نے ٹریفک پولیس کی رشوت ...

کردارکشی نہیں قائل کرناسیکھیں

دورقدیم سے دورجدید تک انسان عقل وشعور کی بہت ساری منزلیں طے ...