شہ سرخیاں
بنیادی صفحہ / پاکستان / جعلی ڈگری سکینڈل: شعیب شیخ اور کمپنی ملازمین کو 7 سال قید کی سزا

جعلی ڈگری سکینڈل: شعیب شیخ اور کمپنی ملازمین کو 7 سال قید کی سزا

اسلام آباد (بیوروچیف) ایگزیکٹ جعلی ڈگری کیس میں کمپنی کے مالک شعیب شیخ سمیت 23 ملزمان کو 7، 7 سال قید اور پانچ، پانچ لاکھ روپے جرمانے کی سزا سنا دی گئی۔ شعیب شیخ کو مجموعی طور پر بیس سال کی سزا ہوئی۔ ملزمان پر تمام سزاؤں کا اطلاق ایک ساتھ ہو گا۔کیس کا فیصلہ ڈسٹرکٹ اینڈ سیشن جج ممتاز حسین نے سنایا۔ دفعہ 419 کے تحت ملزمان کو تین سال قید ایک لاکھ روپے جرمانہ، دفعہ 420 کے تحت تین سال قید، دو لاکھ جرمانہ، دفعہ 468 کے تحت سات سال قید، پانچ لاکھ جرمانہ اور دفعہ 471 کے تحت سات سال قید اور پانچ لاکھ روپے جرمانے کی سزا سنائی گئی۔ملزمان پر تمام سزاؤں کا اطلاق ایک ساتھ ہو گا۔ عدالت نے شعیب شیخ کی اہلیہ عائشہ شعیب، کرنل یونس اور کرنل جمیل کو تمام الزامات سے بری کر دیا۔اس سے پہلے سابق جج پرویز القادر میمن نے 50 لاکھ روپے رشوت لے کر شعیب شیخ کو بری کر دیا تھا۔ رشوت کا لینے جرم ثابت ہونے پر اسلام آباد ہائیکورٹ نے سیشن جج ممتاز حسین کو دوبارہ مقدمہ سننے کا حکم دیا تھا۔

error: Content is Protected!!