شہ سرخیاں
Home / بین الاقوامی / حکومت سےتنگ آکربھارتی شہری نے گھر پرپاکستانی پرچم لہرادیا

حکومت سےتنگ آکربھارتی شہری نے گھر پرپاکستانی پرچم لہرادیا

نئی دہلی(مانیٹرنگ سیل)کانپورمیں ایک شہری کے انوکھے احتجاج پراسے جیل کی سلاخوں کے پیچھے دھکیل کربغاوت کا مقدمہ درج کرلیاگیا۔ بھارتی ذرائع ابلاغ کی ایک رپورٹ کے مطابق کانپور کے علاقے سیسا ماؤ سے تعلق رکھنے والا چھتیس سالہ چندرپال سنگھ بجلی اور پانی کے زائد بل سے حد درجے پریشان تھا۔ کہیں شنوائی نہ ہوئی تو بیچارے چندرپال نے حکومت کے خلاف احتجاج کا انوکھا ہی طریقہ سوچا اور اپنے گھرکی چھت پر پاکستانی پرچم لہرادیا۔ پریشان حال چندر پال نے توگھر کی چھت پر پاکستانی پرچم لہرا کر بھارتی حکومت کیخلاف منفرد احتجاج ریکارڈ کرادیا لیکن ہندو انتہا پسندوں کی حب الوطنی ایسے ہی مواقع پر انگڑائیاں لیکر بیدار ہوتی ہے۔اس اقدام پر غریب شہری کے گھر کے باہروشوا ہندو پریشاد اور بجرنگ دل کے کارکنوں نے احتجاج کیا جس کے بعد مقامی پولیس نے واقعے کا نوٹس لیتے ہوئے چندرپال کو دھرلیا۔ بھارتی میڈیا کی رپورٹ کے مطابق ایس ایچ او سیساماؤ پولیس اسٹیشن دھرمیندر سنگھ نے بتایا کہ چندرپال کے خلاف تعزیرات ہند کی دفعہ 124 اے (بغاوت) اور 153(اشتعال انگیزی پھیلانے) کے تحت مقدمہ درج کرکے جیل بھیج دیا گیا ہے،جبکہ چندرپال کا موقف ہے کہ وہ متعلقہ اداروں کے چکر لگا لگاکر تھک گیا تھا مگرکہیں بھی اس کی شکایت پرکوئی کارروائی نہیں کی جا رہی تھی، اس لیے اس نے احتجاجا ایسا کیا۔ واضح رہے کہ گھر پرپاکستانی یا بھارتی پرچم لہرانے کا یہ پہلا واقعہ نہیں، کچھ عرصہ قبل پاکستان میں بھی اوکاڑہ کے رہائشی نوجوان نے گھر پر بھارتی پرچم لہرایا تھا۔ بعد میں گرفتاری پر اس نوجوان کا موقف تھا کہ وہ بھارتی بیٹسمین ویرات کوہلی کا بہت بڑا مداح ہے اس لیے ایسا کیا تھا

x

Check Also

نامعلوم تیس سالہ نوجوان سول ہسپتال بھائی پھیرو میں کئی گھنٹے تڑپنے کے بعد چل بسا

بھائی پھیرو(نامہ نگار) نامعلوم تیس سالہ نوجوان سول ہسپتال بھائی پھیرو میں کئی ...

چنیوٹ : پٹرول کی قلت شدت اختیار کر گئی، پٹرول نایاب ہوگیا

چنیوٹ(بیورو رپورٹ)چنیوٹ میں بھی پٹرول کی قلت شدت اختیا ر کر گئی ...

چنیوٹ : اوباش نوجوان کی 5سالہ بچے کے ساتھ زیادتی

چنیوٹ(نامہ نگار) اوباش نوجوان کی 5سالہ بچے کے ساتھ زیا دتی تفصیلا ...

سرائے مغل: موٹرسائیکل سواروں اور رکشہ یونین نے ٹریفک پولیس کی رشوت خوری اور زیادتیوں کے خلاف احتجاجی ریلی نکالنے کی دھمکی

بھائی پھیرو(نامہ نگار)موٹرسائیکل سواروں اور رکشہ یونین نے ٹریفک پولیس کی رشوت ...

کردارکشی نہیں قائل کرناسیکھیں

دورقدیم سے دورجدید تک انسان عقل وشعور کی بہت ساری منزلیں طے ...