پاکستانتازہ ترین

چوہدری احمد مختار کے بھائی چوہدری احمد سعید ن لیگ میں شامل

لاہور(نامہ نگار)  پاکستانی وزیرپانی وبجلی اورپیپلزپارٹی کے رہنما چوہدری احمد مختار کے بھائی چوہدری احمد سعید نے ن لیگ میں شمولیت کا اعلان کردیا ہے۔ چوہدری احمد سعید نے آج صبح ماڈل ٹاوٴن لاہور میں مسلم لیگ ن کے صدر میاں محمد نوازشریف سے ملاقات کی ، اس موقع پر وزیر اعلی پنجاب شہباز شریف بھی موجود تھے ۔
لاہور کے ماڈل ٹاؤن میں خفیہ رکھی گئی اس ملاقات کا دورانیہ قریبا ایک گھنٹے سے زائد جاری رہا ، ملاقات میں گجرات کی سیاست سمیت اہم معاملات پرتبادلہ خیال ہوا۔ جس کے بعد ن لیگ نے اس حوالے سے باضابطہ اعلامیہ جاری کردیا جس میں کہا گیا ہےکہ چوہدری احمد سعید کی شمولیت سے ن لیگ گجرات میں مضبوط ہوگی۔
ذرائع کے مطابق ن لیگ چوہدری احمد سعید کو آئندہ انتخابات میں ان کے بھائی چوہدری احمد مختار اورچوہدری برادران کے خلاف بھی امیدوار کے طور پر سامنے لا سکتی ہے۔

یہ بھی پڑھیے :

Back to top button