پاکستانتازہ ترین

مخالفین کا نعرہ ‘گو نواز گو’ کے بجائے ‘گو مہنگائی گو’ ہونا چاہیئے، احسن اقبال

نارووال(مانیٹرنگ سیل)وفاقی وزیر منصوبہ بندی احسن اقبال نے کہا ہے کہ جلسوں سے تبدیلی نہیں آ سکتی، مخالفین کا نعرہ گو نواز گو کے بجائے گو مہنگائی گو، گو لوڈشیڈنگ گو اور گو دہشتگردی گو ہونا چاہیئے۔ نارووال کے طلبہ وطالبات میں لیپ ٹاپ تقسیم کرنے کی تقریب سے خطاب کرتے ہوئے وفاقی وزیر احسن اقبال کا کہنا تھا کہ پنجاب حکومت کی طرح بہت جلد دوسرے صوبوں کے ذہین طلبا و طالبات میں لیپ ٹاپ تقسیم کریں گے، حکومت نے لیپ ٹاپ دیکر کوئی احسان نہیں کیا بلکہ ذہین بچوں کو ان کا حق دیا ہے۔ پی ٹی آئی دھرنے کے حوالے سے انہوں نے کہا کہ 17ماہ میں ان کو خیبر پختونخواہ میں نئے پاکستان کی کوئی کھڑکی دروازہ نظر نہیں آیا، عمران خان کنٹینر پر کھڑے ہوکر نوجوانوں کو ورغلاتے ہیں، ملک کی باگ دوڑ دھرنوں سے نہیں، عوام کی خدمت کرنے سے ملتی ہے،انہوں نے کہا کہ مخالفین کا نعرہ گونواز گو کے بجائے گو دہشت گردی،گوجہالت گو،گولوڈشیڈنگ گو ہونا چاہیئے تاکہ ملک مشکلات سے نکل سکے۔

یہ بھی پڑھیں  فوج اور عدلیہ کی طرح پارلیمنٹ کی بھی حرمت ہے، احسن اقبال

یہ بھی پڑھیے :

Back to top button

Adblock Detected

Please consider supporting us by disabling your ad blocker