راولپنڈی(مانیٹرنگ سیل) آرمی چیف جنرل قمر جاوید باجوہ اور چیف جسٹس آف پاکستان جسٹس ثاقب نثار میں ملاقات ہوئی ہے. ڈی جی آئی ایس پی آر میجر جنرل آصف غفور کے مطابق آرمی چیف کی چیف جسٹس سے سپریم کورٹ میں ملاقات ہوئی. اس موقع پر آرمی چیف نے ڈیمزفنڈ کے لئے ایک ارب 59 لاکھ 19 ہزارکا چیک چیف جسٹس کے سپرد کیا. آرمی چیف کا کہنا تھا کہ پاک فوج بطورقومی ادارہ ملکی تعمیرو ترقی میں کرداراداکرتی رہے گی، یہ رقم ڈیمز کی تعمیر کے لئے رقم پاک فوج کے جوانوں اور آرمی ویلفیئر تنظیموں کی طرف سےدی گئی. پاک فوج نے چیف جسٹس کے ڈیم سے متعلق اعلان کا خیرمقدم کرتے ہوئے کمیشن افسران کی دو دن، جوانوں کی ایک دن کی تنخواہ ڈیم فنڈ میں جمع کرائی ہے.
