پاکستانتازہ ترین

الیکشن کمیشن کا اجلاس آج ہو گا

election commissionالیکشن کمیشن آف پاکستان(مانیٹرینگ سیل) نے کراچی میں گھر گھر ووٹرز کی تصدیق کے معاملے پر آج اجلاس طلب کر لیا۔ دو روزہ اجلاس میں کئی اہم معاملات کا جائزہ لیا جائے گا۔ الیکشن کمیشن نے ووٹرز لسٹوں کے خلاف دھرنا دینے والی جماعتوں کو سات فروری کو طلب کر لیا ہے۔ الیکشن کمیشن کے دو روزہ اجلاس بدھ کو شروع ہوگا۔ جس میں کراچی میں فوج کی زیر نگرانی ووٹرز لسٹوں کی گھرگھر تصدیق کا معاملہ زیرغور آئے گا۔ ن لیگ کی قیادت میں اپوزیشن جماعتوں کی جانب سے الیکشن کمیشن کے باہر احتجاجی دھرنے کے بعد کراچی میں گھر گھر ووٹرز کی تصدیق نے اہمیت اختیار کر لی۔ کراچی میں ووٹرز فہرستوں کی تصدیق کا عمل گیارہ فروری تک جاری رہے گا۔مسلم لیگ ن۔ جماعت اسلامی۔ جمعیت علمائے پاکستان نورانی۔ سنی تحریک۔ پختونخوا ملی عوامی پارٹی اور مختلف قوم پرست جماعتوں کا مطالبہ ہے کراچی میں ووٹرز لسٹیں متنازع ہیں جو کسی صورت قبول نہیں۔ الیکشن کمیشن نے دھرنا دینے والی جماعتوں کو جمعرات کی شام چار بجے طلب کر لیا ہے۔ پہلے ان جماعتوں کو چھ فروری کو بلایا گیا تھا۔ اب کمیشن کے اجلاس کے آخری روز ان جماعتوں کے ساتھ بیٹھک ہو گی۔ الیکشن کمیشن کے اجلاس میں آئین کے آرٹیکل باسٹھ اور تریسٹھ کے تحت انتخابی امیدواروں کی نااہلی کا معاملہ زیر بحث آئے گا۔ کاغذات نامزدگی میں ترامیم اور نئےکالم شامل کرنے پرغور کیا جائے گا۔ ساتھ ہی سیاسی جماعتوں کو انتخابی نشانات الاٹ کرنے کا جائزہ لیا جائے گا۔ الیکشن کمیشن نے سیاسی جماعتوں اور انتخابی امیدواروں کے مالی معاملات کی کلیئرنس کے لیے ایف بی آر اور دیگر اداروں سے رابطےکا فیصلہ بھی کیا ہے۔ ذرائع کے مطابق الیکشن کمیشن امیدواروں کی سخت اسکروٹنی کرے گا۔ کاغذات نامزدگی کی جانچ پڑتال کا دورانیہ بڑھانے سے شفافیت آئے گی۔ کمیشن کے اجلاس میں کاغذات نامزدگی کی شرائط میں اضافے اور تبدیلیوں پر بھی غور ہو گا۔ ٹیکس نادہندگان کو الیکشن لڑنے سے روک دیا جائے گا۔ اور وزارت قانون کو بھیجے گئے ریفرنس کی منظوری سے الیکشن کمیشن کے اختیارات میں اضافہ ہوگا۔

یہ بھی پڑھیں  جب تک میں نہ کہوں، نوجوان ایل او سی کی طرف نہ جائیں: وزیراعظم عمران خان

یہ بھی پڑھیے :

Back to top button

Adblock Detected

Please consider supporting us by disabling your ad blocker