آل پاکستان ٹیکسٹالزملز ایسویسی ایشن(مانیٹرینگ سیل) کے مرکزی رہنما گوہراعجاز نے حکومت سے مطالبہ کیا ہے کہ پنجاب میں دودن کی بجائے پانچ دن صنعتوں کو گیس کی سپلائی فراہم کی جائے۔ ایٹما آفس لاہور میں پریس کانفرنس کے دوران ان کہنا تھا کہ پنجاب کی صنعتوں سے ناانصافی کی جارہی ہے ۔انہوں نے کہا کہ سردیوں میں گیس پریشر میں کمی کے باعث گیس شارٹیج ہوتی ہے لیکن گرمیوں میں سپلائی بحال ہونی چاہئے۔گوہر اعجاز کا کہنا تھا کہ اگر حکومت نے ان کے مطالبات پورے نہ کیے تو وہ عدالت کا دروازہ کھٹکٹائیں گے.
