تازہ ترینکھیل

بگ تھری کے حوالے سے فیصلہ فروری کے اجلاس میں کیا جائے گا، صدر آئی سی سی

دبئی(مانیٹرنگ ڈیسک) انٹرنیشنل کرکٹ کونسل کے صدر ایلن آئزک نے کہا ہے کہ آئی سی سی کے 2 روزہ اجلاس میں بگ تھری کے حوالے سے کوئی بھی فیصلہ نہیں کیا جا سکا۔ دبئی میں آئی سی سی کےایگزیکٹو بورڈ کے 2 روزہ اجلاس کے اختتام پر ایلن آئرک کا کہنا تھا کہ حالیہ اجلاس میں بگ تھری کے حوالے سے کوئی بھی فیصلہ نہیں کیا جا سکا اور اس حوالے سے فیصلہ 8 فروری کو سنگاپور میں ہونے والے اجلاس میں کیا جائے گا۔ آئی سی سی کے چیف ایگزیکٹو ڈیو رچرڈسن کا کہنا تھا کہ 2 روزہ اجلاس میں انٹر نیشنل کرکٹ کے بہت سے معاملات پر بات چیت ہوئی اور کئی معاملات پر مثبت پیش رفت بھی سامنے آئی، ماضی کے مقابلے میں زیادہ بہتر فیوچر ٹور پروگرام ترتیب دیئے گے۔ واضح رہے کہ آئی سی سی کے اجلاس میں کرکٹ کے تمام تر فیصلوں پر قبضے کے لئے3 بڑوں آسٹریلیا، انگلینڈ اور بھارت کے گٹھ جوڑ کی پاکستان، جنوبی افریقا اور سری لنکا نے سخت مخالفت کی جبکہ بنگلہ دیش نے بھی پاکستانی موقف کی حمایت کی، دوسری جانب نیوزی لینڈ اور ویسٹ انڈیز نے بگ تھری کی پیش کردہ تجاویز کی حمایت کی۔

یہ بھی پڑھیں  مصطفی آباد/للیانی : نامعلوم گاڑی کی ٹکر سے زخمی ہونے والا بزرگ جاںحق

یہ بھی پڑھیے :

Back to top button

Adblock Detected

Please consider supporting us by disabling your ad blocker