تازہ ترینپاکستان

عام انتخابات،کاغذات نامزدگی وصول کرنے کا سلسلہ شروع

اسلام آباد (پاک نیوز)الیکشن میں حصہ لینے کیلئے کاغذات نامزدگی حاصل کرنے کا سلسلہ جاری ہے جبکہ کاغذات نامزدگی وصول کرنے کا سلسلہ بھی شروع ہو گیا،الیکشن کمیشن نے ملک بھر میں گزشتہ روز کاغذات نامزدگی کا اجرا کیا تھا جس کے بعد ملک بھر سے امیدوار الیکشن میں حصہ لینے کیلئے کاغذات نامزدگی حاصل کررہے ہیں۔الیکشن میں حصہ لینے کیلئے امیدوار صبح ساڑھے 8 بجے سے لے کر شام ساڑھے 4 بجے تک کاغذات حاصل کرسکتے ہیں جبکہ کاغذات نامزدگی جمع کرانے کا سلسلہ بھی آج سے شروع ہوگا۔ امیدوار 20 سے 22 دسمبر تک متعلقہ آر او آفس میں کاغذات نامزدگی جمع کرواسکتے ہیں جس کے بعد امیدواروں کی ابتدائی فہرست 23 دسمبر کو جاری ہوگی جبکہ کاغذات نامزدگی کی جانچ پڑتال 24 سے 30 دسمبر تک ہوگی،13 جنوری کو امیدواروں کو انتخابی نشانات الاٹ کئے جائیں گے اور عام انتخابات کیلئے پولنگ 8 فروری کو ہوگی۔کراچی میں عام انتخابات 2024ء میں قومی اورصوبائی اسمبلی کی نشستوں کے لیے کاغذاتِ نامزدگی وصول اورجمع کرانے کا آج سے آغاز ہو گیا۔شہرِ قائد میں قومی کی 22 اورصوبائی اسمبلی کی 47 نشستوں پر کاغذاتِ نامزدگی جاری ہوں گے،کراچی میں قومی اور صوبائی اسمبلی کے لیے 69 ریٹرننگ افسران اور7 ڈی آر او تعینات ہیں۔

Related Articles

Back to top button