کراچی (مانیٹرنگ سیل) اتحاد ٹاؤن میں مسجد کی حفاظت پر مامور رینجرز اہل کاروں نے فائرنگ کردی، جس سے شہید ہونے والے اہل کاروں کی تعداد چار ہوگئی۔ حملے کے بعد دہشت گرد فرار ہونے میں کامیاب ہوگئے۔ کراچی میں دہشت گردوں نے ایک بار پھر رینجرز کو نشانے بنا ڈالا، بلدیہ اتحاد ٹاؤن میں واقع ابوہریرہ مسجد کے سامنے نماز جمعہ کی سیکیورٹی کیلئے رینجرز اہل کار تعینات تھے، جہاں دہشت گردوں نے ان کی گاڑی پر اندھا دھند فائرنگ کردی، فائرنگ کے نتیجے میں تین رینجرز اہلکار موقع پر شہید، جب کہ ایک شدید زخمی ہوا، جسے تشویش ناک حالت میں اسپتال منتقل کردیا گیا، تاہم اہلکار دوران علاج زخموں کی تاب نہ لاتے ہوئے شہید ہوگیا، جس کے بعد شہداء کی تعداد چار ہوگئی۔ ڈی آئی جی ویسٹ کے مطابق رینجرز اہلکار ابوہریرہ مسجد کے سامنے نماز جمعہ کی سیکیورٹی پر مامور تھے، جہاں دو موٹرسائیکلوں پر سوار دہشت گردوں نے اچانک حملہ کیا اور فرار ہونے میں کامیاب ہوگئے۔ واقعے کے بعد پولیس اور رینجرز کی اضافی نفری پہنچ گئی، عینی شاہدین کے مطابق حملہ آور قمیض شلوار پہنے ہوئے تھے، جو قریبی گلیوں کی جانب فرار ہوئے۔ تفتیشی حکام نے جائے وقوعہ سے گولیوں کے خول قبضے میں لے کر فرانزک جانچ پڑتال کے لئے بھجوا دیئے ہیں۔
Yeh hamla rangers par nahin balke Pakistan ki muhafizon par hui hai aur jo log is hama ki zimmedaar hain, woh khud Pakistan aur un ki hifaazat ki parwa nahin karte aur sirf apne ghair-mulki shaddat pasand badaaron ki hukm par aise karte hain ta ke Pakistan ki halaat aur bhee bigar jaaye aur Pakistan un ki nahaq laraii ke lye maidaan-e jang ban jaaye. Yeh log itni jaahil hain ke aman naam ki lafz ko samajhte hee nahin. Allah hamare shaheedon ko maghfarat ata farmaaye.