پاکستانتازہ ترین

آئی ایس اوکی امریکہ مردہ باد ریلی، شرکاء پر پولیس کا لاٹھی چارج

کراچی (مانیٹرنگ سیل) نمائش چورنگی پر پولیس اور آئی ایس او کی امریکہ مردہ باد ریلی کے شرکاء کے درمیان گھمسان کی جنگ ہوگئی، لاٹھی چارج ، آنسو گیس اور واٹر کینن کے استعمال  کے باعث علاقہ میدان جنگ کا منظر پیش کرنے لگا۔ تفصیلات کے مطابق امریکی صدر ڈونلڈ ٹرمپ کے حالیہ پاکستان مخالف بیان کیخلاف آئی ایس او کی جانب سے امریکہ مردہ باد ریلی نکالی گئی،آئی ایس او کی ریلی کے منتظمین نے امریکی قونصلیٹ جانے کااعلان کیا تھا۔ ریلی کے شرکاء امریکا مردہ باد کے نعرے لگارہے تھے، ریلی کے شرکاء اپنا احتجاج ریکارڈ کرانے کیلئے امریکی قونصلیٹ جانا چاہتے تھے کہ نمائش چورنگی پر شرکاء کو امریکی قونصلیٹ تک جانے سے روکنے کیلئے پولیس نے لاٹھی چارج اور شیلنگ کی۔ ریلی کےشرکا پرپولیس نے لاٹھی چارج کے علاوہ واٹر کینن کا بھی استعمال کیا، صورتحال کشیدہ ہونے پر ہوائی فائرنگ بھی کی گئی۔ جس کے رد عمل میں شرکاء کی جانب سے بھی پولیس پر پتھراؤ کیا گیا۔ گھمسان کی یہ جنگ تقریباً آدھا گھنٹے تک جاری رہی، مظاہرین آنسو گیس اور لاٹھی چارج سے بچنے کیلئے امام بارگاہ شاہ خراساں کی جانب چلے گئے، اس دوران پولیس نے متعدد مظاہرین کو گرفتار بھی کرلیا۔ پولیس نے ریلی کا ساؤنڈ سسٹم جو ایک ٹرک پر نصب تھا اس کو بھی قبضے میں لے لیا، قونصلیٹ جانے والے تمام راستے بند کر دیئے گئے۔ ایڈیشنل آئی جی کا کہنا ہے کہ امریکی قونصلیٹ جانے کیلئے تین سے چار لوگوں کو اجازت دی جا سکتی ہے تاکہ وہ اپنا احتجاج ریکارڈ کراسکیں۔ بعد ازاں دونوں جانب سے مذاکرات کے بعد شرکاء منتشر ہوگئے، آخری اطلاعات تک پولیس اور مظاہرین کے درمیان مذاکرات کے بعد طے پایا گیا کہ نماز مغرب کے بعد شرکاء از خود منتشر ہوجائیں گے

یہ بھی پڑھیں  دیپالپور: یونین کونسل 80اور 115میں مسلم لیگ ن نے میدان مارلیا

یہ بھی پڑھیے :

Back to top button

Adblock Detected

Please consider supporting us by disabling your ad blocker