عمران خان کا ایک بار پھر جھوٹ کا سہارا، عدالت سے اپنی نااہلی ختم ہونے کا دعویٰ

کامونکی(پاک نیوز) پاکستان تحریک انصاف کے چیئرمین عمران خان نے ایک بار پھر جھوٹ کا سہارا لیتے ہوئے سیاسی چال چلنے کی کوشش کی، عدالت سے اپنی نااہلی ختم ہونے کا دعویٰ کردیا۔ کامونکی میں مارچ کے شرکاء سے خطاب کے دوران انہوں نے چیف الیکشن کمشنر کیلئے بھی نامناسب الفاظ استعمال کیے اور کہا بدنیت آدمی نے مجھے نااہل کیا تھا، عدالت نےنااہلی ختم کر دی۔عمران خان اسلام آباد ہائی کورٹ کے صحیح فیصلے سے لا علم ہیں یا جان بوجھ کر غلط بیانی کر رہے ہیں؟ کامونکی میں آزادی مارچ سے خطاب کرتے ہوئے عمران خان نے ایک بار پھر عوام کو گمراہ کرنے کی کوشش کی اور کہا ہائی کورٹ نے ان کی نااہلی ختم کرتے ہوئے الیکشن کمیشن کو حلقہ این اے 95 میانوالی پر الیکشن کرانے سے روک دیا ہے۔