پاکستان

مری میں برفباری، واپسی کا رخ کرنیوالے سیاح سڑکوں پر پھنس کر رہ گئے

مری(مانیٹرنگ ڈیسک)مری اور گلیات میں شدید برفباری کا سلسلہ جاری ہے، ملکہ کوہسار سے واپسی کا رخ کرنے والے سیاح سڑکوں پر پھنس کر رہ گئے۔ محکمہ موسمیات نے وارننگ دی ہے کہ مری اور گلیات میں برفباری کا سلسلہ صبح تک جاری رہے گا، سیاح آج مری کا رخ نہ کریں۔ مری اور گلیات میں شدید برف باری کا سلسلہ کئی گھنٹے سے جاری ہے۔ مری ایکسپریس وے اور پرانے مری روڈ پر شدید ترین ٹریفک جام ہوگیا۔ لوگ شدید سردی میں سڑکوں پر پھنس گئے ہیں۔ کئی گاڑیوں میں پٹرول ختم ہوگیا۔ محکمہ شاہرات پنجاب، ضلعی انتظامیہ، ٹریفک پولیس اور برف ہٹانے والی مشینری غائب ہے۔ ذرائع کا کہنا ہے کہ سڑکوں سے برف نہ ہٹائی گئی تو ٹریفک صبح تک بحال نہیں ہوسکتی۔ مری میں اب تک دو فٹ جبکہ گلیات میں 3 فٹ تک برف پڑ چکی ہے۔ درجہ حرارت منفی 3 ڈگری ہوگیا۔ محکمہ موسمیات نے وارننگ دی ہے کہ مری اور گلیات میں برفباری کا سلسلہ صبح تک جاری رہے گا، سیاح اتوار کو مری کا رخ نہ کریں۔

یہ بھی پڑھیں  اس حکومت کا رویہ بھی سابق حکومت جیسا ہے، چیف جسٹس

یہ بھی پڑھیے :

Back to top button

Adblock Detected

Please consider supporting us by disabling your ad blocker