پاکستانتازہ ترین

تحریک انصاف کے جلسوں میں خواتین سے بدتمیزی، وزیر اعظم کا نوٹس

لاہور(نمائندہ خصوصی)وزیر اعظم نواز شریف نے پاکستان تحریک انصاف کے جلسے میں خواتین سے بدتمیزی کا نوٹس لیتے ہوئے حکومت پنجاب سے رپورٹ طلب کرلی ہے۔پاکستان تحریک انصاف کے اسلام آباد اور لاہور میں ہونے والے جلسے میں خواتین سے بدتمیزی اور نازیبا سلوک کے واقعات دیکھنے میں آئے۔خواتین کے لیے الگ انکلوژز بنائے گئے اور ان کی حفاظت کے لیے رضاکار بھی تعینات کیے گئے لیکن اس کے باوجود شرپسند عناصر حفاظتی باڑھ توڑ کر خواتین کے حصے میں گھس آئے تھے۔ خواتین سے بدتمیزی کی گئی۔ اس دوران کچھ خواتین زخمی بھی ہوئیں۔عمران خان نے الزام لگایا تھا کہ جلسوں میں بدتمیزی کے واقعات میں ن لیگی کارکنان ملوث ہیں۔وزیر اعظم نواز شریف نے اس ساری صورتحال کا نوٹس لیتے ہوئے حکومت پنجاب سے رپورٹ طلب کرلی۔ انہوں نے حکم دیا ہے کہ واقعے میں جو بھی افراد ملوث ہیں ان کے خلاف سخت کارروائی کی جائے۔

یہ بھی پڑھیں  پاکستان اور سری لنکا کے درمیان آخری میچ کل کھیلا جائے گا

یہ بھی پڑھیے :

Back to top button

Adblock Detected

Please consider supporting us by disabling your ad blocker