پاکستانتازہ ترین

ذی الحج کاچاند دیکھنے کیلئے رویت ہلال کمیٹی کا اجلاس آج ہوگا

کراچی (پاک نیوز)پاکستان میں ذی الحج کا چاند دیکھنے کے لیے مرکزی رویت ہلال کمیٹی کا اجلاس آج کراچی میں ہوگا۔ ذرائع کے مطابق ذی الحج کاچاند دیکھنے کیلئے رویت ہلال کمیٹی کا اجلاس مفتی منیب الرحمان کی سربراہی میں آج کراچی میں ہوگا، جس میں دیگر مکاتب فکر سے تعلق رکھنے والے علمائے کرام اور ماہرفلکیات بھی شرکت کرینگے۔ اس کے علاوہ ملک کے دیگر شہروں لاہور،پشاور اسلام آباد میں بھی چاند دیکھنے کے لیے زونل کمیٹیوں کے اجلاس ہونگے، جہاں ملک کے کسی بھی حصے سے چاند نظر آنے کی شہادت موصول کی جائیں گی۔تاہم چاند نظر آنے یہ نا آنے کا حتمی اعلان مفتی منیب الرحمان پریس کانفرنس میں کرینگے۔ محکمہ موسمیات کا کہنا ہے کہ2 ستمبر کو ذی الحج کا چاند نظر آنے کے معمولی امکانات ہیں اور ملک کے بیشتر علاقوں میں مطلع جزوی طور پر ابر آلود اور صاف رہے گا۔ گذشتہ روز سعودی عرب میں ذی الحج کا چاند نظر نہیں آیا،اس طرح اب سعودی عرب میں حج 11ستمبر بروز اتوار اورعید الاضحی 12ستمبر بروز پیر کو ہوگی۔واضح رہے کہ عید الاضحیٰ حضرت ابراہیم علیہ السلام اور حضرت اسماعیل علیہ السلام کی جانب سے اللہ رب العزت کے احکامات کی پیروی کرتے ہوئے دی جانیوالی قربانی کی یاد میں منائی جاتی ہے۔

یہ بھی پڑھیں  شہر حسن ابدال میں جلوس میلاد مصطفی

یہ بھی پڑھیے :

Back to top button

Adblock Detected

Please consider supporting us by disabling your ad blocker