شہ سرخیاں
بنیادی صفحہ / پاکستان / عمران خان کے قریبی ساتھیوں نعیم الحق اور عون چوہدری کے حساس معلومات والے موبائل فون چوری

عمران خان کے قریبی ساتھیوں نعیم الحق اور عون چوہدری کے حساس معلومات والے موبائل فون چوری

اسلام آباد(بیوروچیف )تحریک انصاف کے رہنما نعیم الحق اور عون چوہدری کے گھر انوکھی چوری، عمران خان اور پارٹی سے متعلق اہم معلومات والے موبائل فون چور لے اڑے۔ تفصیلات کے مطابق نجی ٹی وی اب تک کی رپورٹ کے مطابق تحریک انصاف کے رہنما نعیم الحق اور اور عون چوہدری کے گھر چوری کی انوکھی واردات میں چور صرف اہم معلومات والے موبائل فون لے اڑے ہیں۔دونوں رہنمائوں کو عمران خان کے انتہائی قریب سمجھا جاتا ہےاور دونوں ایک ہی گھر میں رہائش پذیر ہیں۔ چوروں نے واردات کے دوران عون چوہدری کےتین موبائل اور 25ہزار روپے چرائے، بتایا جاتا ہے کہ ان موبائل فون پر عمران خان اور تحریک انصاف سے متعلق اہم معلومات محفوط تھیں۔ پولیس کو اطلاع ملنے پر پولیس نے جائے وقوعہ پر پہنچ کر تحقیقات کا آغاز کر دیا ہے تاہم تاحال چوروں سے متعلق معلوم نہیں ہو سکا کہ وہ گھر میں کیسے داخل ہوئے اور چوری کے بعد کہاں فرار ہونے میں کامیاب ہوئے۔

یہ بھی پڑھیں  ٹیکسلا:عجیب الخلقت دو منہ کے ساتھ ایک دھڑ رکھنے والے بھینس کے بچے کی پیدائش