پتوکی (تحصیل رپورٹر ) پتوکی کے نواحی گاؤں ڈھولن چک نمبر27میں ایک اور قیامت خیز واقع پیش آگیا۔تین دن سے لاپتہ اشراق احمد عر ف بھولی کی نعش بھی گاؤں کے قریب کماد کی فصل سے برآمد۔تفصیلات کے مطابق پتوکی کے نواحی گاوں ڈھولن چک نمبر 27 کا رہائشی 12 سالہ شراق جو کہ چھٹی کلاس کا طالبعلم ہے شام کو 6 بجے کے قریب کھانہ کھانے کے بعد گھر سے نکلا اس کے بعد ابھی تک اس کا کوئی پتہ نہیں چل رہا سب رشتے داروں اور محلے کے لوگوں کے پتہ کیا مگر کوئی سراغ نہیں مل رہا اشراق احمد عر ف بھولی کا دادا رپورٹ لکھوانے ڈھولن چوکی پہنچ گیا بچے کا والد فالج کا مریض ہے جو چل نہیں سکتا اور دادا غم سے نڈھال ہے آج تین روز بعد چھٹی کلاس کے طالب علم اشراق احمد عر ف بھولی کی نعش گاؤں کے قریب کماد کی فصل سے ملی ہے بچے کی موت کا سن کر اس کی ماں اور خاندان کے لوگ سکتے میں آگئی واقع کی خبر جنگل میں آگ کی طرح پھیل گئی اور سینکڑوں لوگ بچے کے گھر کے باہر اکھٹے ہوگئے اطلاع ملنے پرصدر پولیس پتوکی نے نعش قبضہ میں لیکر تحصیل ہیڈکوارٹر ہسپتال پتوکی پوسٹ مارٹم کیلئے منتقل کر دی ہے ۔اس واقع کے بعد علاقہ میں خوف وہراس پھیل گیا ہے ۔
