شہ سرخیاں
بنیادی صفحہ / بین الاقوامی / سعودی عرب میں غیر قانونی قیام کرنے والوں کو 50 ہزار ریال جرمانہ اور6 ماہ قید کی سزا

سعودی عرب میں غیر قانونی قیام کرنے والوں کو 50 ہزار ریال جرمانہ اور6 ماہ قید کی سزا

ریاض(ڈیسک نیوز)سعودی عرب کے حکام نے کہا ہے کہ عمرے کے ویزے کی میعاد ختم ہونے کے بعد ملک میں غیر قانونی قیام کرنے والوں کو 50 ہزار ریال جرمانہ اور 6 ماہ قید کی سزا دی جائے گی۔ محکمہ پاسپورٹ کے جاری اعلامیے کے مطابق عمرے کے ویزے پر آنے والوں کو چاہیے کہ میعاد ختم ہونے سے قبل واپس چلے جائیں، انہیں ملک میں قیام یا کام کرنے کی اجازت نہیں تاہم ویزے کی مدت کے دوران انہیں مکہ مکرمہ ، مدینہ منورہاور جدہ جانے کی اجازت ہے البتہ کسی چوتھے شہر میں جانے کی اجازت نہیں۔انھوں نے کہا کہ شہری و مقیم غیر ملکی مملکت میں غیر قانونی قیام کرنے والوں کے ساتھ کسی طرح کا تعاون نہ کریں، ایسا کرنے پر ان کے خلاف قانون کے مطابق کارروائی کی جائے گی۔ محکمے نے اعدادوشمار جاری کرتے ہوئے کہا ہے کہ سال رواں میں یکم محرم سے 5 رجب تک 39 لاکھ 25 ہزار 210 معتمرین بری ، بحری اور فضائی راستوں سے ارض مقدس آئے ہیں۔

یہ بھی پڑھیں  اوکاڑہ:پولیس نے ڈائریکٹ کنڈیاں لگاکربجلی چوری کرنے والے پانچ افراد کے خلاف مقدمات درج کرلیا