شہ سرخیاں
بنیادی صفحہ / پاکستان / پٹرول اورڈیزل پرٹیکس لگالگاکرلوگوں کو پاگل کردیا،ساراحساب دینا ہوگا،چیف جسٹس آف پاکستان

پٹرول اورڈیزل پرٹیکس لگالگاکرلوگوں کو پاگل کردیا،ساراحساب دینا ہوگا،چیف جسٹس آف پاکستان

کراچی(نمائندہ خصوصی)سپریم کورٹ کراچی رجسٹری میں پٹرولیم مصنوعات کی قیمتوں کے تعین اور اضافی ٹیکس سے متعلق کیس کی سماعت ہوئی۔ عدالت نے ڈپٹی ایم ڈی پی ایس او کی بریفنگ پر عدم اطمینان کا اظہار کر دیا۔ چیف جسٹس نے ریمارکس دیئے ٹیکس لگا لگا کر لوگوں کو پاگل کر دیا، کس بات کا ٹیکس ہے، ساراحساب دینا ہوگا، پٹرولیم مصنوعات کی درآمدات کا عمل مشکوک لگتا ہے۔چیف جسٹس نے استفسار کیا کس طریقہ کار کے تحت 62.8 روپے فی لٹر کا تعین کیا گیا ؟ ڈپٹی ایم ڈی پی ایس او نے عدالت کو بتایا کہ مختلف ادارے 300 ارب روپے کے نادہندہ ہیں۔ جس پر چیف جسٹس نے برہمی کا اظہار کرتے ہوئے کہا ان اداروں سے 300 ارب روپے واپس کیوں نہیں لے رہے ؟ اس کا مطلب ہے آپ بینکوں سے قرض لے کر معاملات چلا رہے ہیں۔یعقوب ستار نے انکشاف کیا کہ بینکوں سے 95 ارب روپے قرض لے رکھا ہے، ہر سال 7 ارب بینک سود کی مد میں جاتے ہیں۔

یہ بھی پڑھیں  اوکاڑہ کی کسی بھی سیٹ پرپاکستان پیپلز پارٹی اور ق لیگ کے مابین سیٹ ایڈ جسٹمنٹ نہ ہوسکی