پاکستانتازہ ترین

حکومت کراچی امن کیلئے جماعتوں کے عسکری ونگز ختم کرے: نوازشریف

لاہور(نامہ نگار) مسلم لیگ نون کے سربراہ نوازشریف کا کہنا ہے کہ حکومت قیام امن میں سنجیدہ ہے تو کراچی میں سیاسی جماعتوں کے عسکری ونگز کے خلاف اقدامات کرے ۔ موبائل فون بند کرنے اور ڈبل سواری پر پابندی لگا کر جرائم پیشہ افراد کو نہیں روکا جاسکتا ۔  مسلم لیگ نون کے سربراہ لاہورمیں سینئر صحافیوں سے ملاقات کے لئے پہنچے تو ۔ ملک میں امن وامان کی خراب صورتحال پرخاصے برہم دکھائی دئیے۔ اور وفاقی حکومت کے اقدامات کو ناکافی قرار دیا ۔ نوازشریف کا کہنا تھا کہ سپریم کورٹ کی ہدایات کے باوجود حکومت کراچی میں کارروائی نہیں کررہی ۔ محض بیانات جاری کرنے سے حالات ٹھیک نہیں ہوں گے ۔ نوازشریف نے کہا کہ انتخابات سر پر ہیں ۔ لیکن حکومتی نمائندے چین کی بانسری بجا رہے ہیں ۔ پاکستانی عوام ان سے چھٹکارا پانے کے لئے اپنا ووٹ سوچ سمجھ کر استعمال کریں ۔ سینئر صحافیوں سے ملاقات میں نوازشریف نے قاضی حسین احمد کے جلسے پر ہونے والے حملے کی بھی شدید مذمت کی ۔ اور غزہ میں جاری اسرائیلی مظالم  پرحکومت سے مطالبہ کیا کہ فلسطینیوں کے حقوق کے لئے عالمی سطح پر آواز اٹھائی جائے

یہ بھی پڑھیں  ڈسکہ:سابق ساس سسرنے بیٹوں کےساتھ مل کر بہو کوموت کےگھاٹ اتاردیا

یہ بھی پڑھیے :

Back to top button

Adblock Detected

Please consider supporting us by disabling your ad blocker