پاکستانتازہ ترین

کورونا سے مرنیوالے کو غسل دیا جا سکے گا: تدفین میں شریک افراد کیلئے ایس او پیز تیار

اسلام آباد(پاک نیوز) پاکستان اسلامک میڈیکل ایسوسی ایشن اور انڈس ہسپتال کی جانب سے کورونا سے مرنے والے کو غسل دینے کے حوالے سے سفارشات حکومت کو بھیج دی گئیں۔ جس میں کہا گیا کہ کورونا سے مرنے والے کو غسل دیا جا سکتا ہے، جنازہ اور آخری رسومات ہوسکتی ہیں لیکن لاش کو ڈس انفیکٹ کرنا ضروری ہے۔طبی ماہرین کا کہنا ہے کہ اگر لاش ڈس انفیکٹ کر دی گئی ہے تو پھر وائرس پھیلنے کا امکان نہیں، اس لیے ورثا اگر چاہیں تو حفاظتی سامان اور احتیاطی تدابیر کے ساتھ میت کو غسل دے سکتے ہیں اور تجہیز و تکفین میں شرکت بھی کر سکتے ہیں۔ طبی ماہرین کا کہنا ہے کہ کورونا وائرس سے مرنے والوں کی میت کو ہسپتال ڈس انفیکٹ کر کے دیتے ہیں لیکن پھر بھی احتیاط کا دامن نہیں چھوڑنا چاہیے۔پاکستان اسلامک میڈیکل ایسوسی ایشن اور انڈس ہسپتال کی جانب سے حکومت کو سفارشات بھیج دی گئیں ہیں جس میں میت لواحقین کے حوالے کرنے، نماز جنازہ سمیت تدفین میں شریک ہونے کے ایس او پیز شامل ہیں۔

یہ بھی پڑھیں  تھانہ چوچک کاعلاقہ چور ڈاکوؤں کیلئے پناہ گاہ کی حثیت اختیار کرگیا

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker