پاکستانتازہ ترین

صوبہ پنجاب میں سٹالز، ریسٹورنٹس اور پلے رائیڈ عیدلفطر کے بعد کھولنے کا فیصلہ

لاہور(پاک نیوز) صوبہ پنجاب میں فوڈ کورٹ، سٹالز، ریسٹورنٹس اور پلے رائیڈ عیدالفطر کے بعد کھولنے کا فیصلہ کر لیا گیا ہے جبکہ ٹرانسپورٹرز کیساتھ مذاکرات کیلئے کمیٹی قائم کر دی گئی ہے۔تفصیل کے مطابق وزیراعلیٰ پنجاب سردار عثمان بزدار کی ہدایت صوبائی پر کابینہ کمیٹی برائے کورونا کنٹرول کا اجلاس ہوا جس میں صوبائی وزرا، سول افسران اور کور ہیڈ کوارٹرز سے اعلیٰ عسکری حکام ویڈیو لنک کے ذریعے شریک ہوئے۔اجلاس میں فیصلہ کیا گیا کہ عیدالفطر کے دنوں میں فوڈ کورٹ، سٹالز، ریسٹورنٹس اور پلے رائیڈ وغیرہ نہیں کھولے جائیں گے جبکہ تمام کاروبار، دکانیں، بازار، شاپنگ مالز اور مارکیٹیں صبح 9 بجے سے شام5 تک کھولی جائیں گی۔صوبائی کابینہ کے اجلاس میں فیصلہ کیا گیا کہ پرہجوم مقامات پر منہ اور ناک ڈھانپنا لازمی ہوگا۔ اس کے علاوہ کورونا ڈیوٹی کرنے والے ڈاکٹروں اور ہیلتھ پروفیشنلز کا تعین کرنے کیلئے 5 رکنی کمیٹی قائم کر دی گئی ہے۔ کمیٹی کی تصدیق پر ہیلتھ پروفیشنلز کو اضافی تنخواہ دی جائے گی۔وزیراعلیٰ نے ٹرانسپورٹرز کے تحفظات دور کرنے کیلئے مذاکراتی کمیٹی بھی بنا دی۔ وزیر تجارت میاں اسلم اقبال ٹرانسپورٹرز سے بدھ کے روز مذاکرات کریں گے۔دوسری جانب کورونا کابینہ کمیٹی نے مزار کھولنے کا معاملہ موخر کر دیا۔ کابینہ کمیٹی کے اجلاس میں محکمہ صحت نے بریفننگ دی کہ اب تک پنجاب میں ایک لاکھ 73 ہزار سے زائد کورونا ٹیسٹ ہو چکے ہیں جبکہ 28 فیصد سے زائد مریض صحتیاب ہو کر گھروں کو جا چکے ہیں۔

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker