پاکستانتازہ ترین

ملک میں کوئی جمہوریت نہیں، مخالفین کو جیلوں میں ڈالا جا رہا ہے: سعد رفیق

لاہور(پاک نیوز) خواجہ سعد رفیق کا کہنا ہے کہ کارکردگی کے لفظ کا پی ٹی آئی حکومت میں کوئی نام نہیں، اپوزیشن متحد نہیں جس کے ذمہ دار سب ہیں، ملک میں کوئی جمہوریت نہیں، مخالفین کو جیلوں میں ڈالا جا رہا ہے۔لیگی رہنما خواجہ سعد رفیق نے میڈیا سے گفتگو کرتے ہوئے کہا اپوزیشن کا اکٹھے نہ ہونا ایک المیہ ہے جس کے ہم سب ذمہ دار ہیں، آپ نے گردن اور گریبان سے دبوچا ہوا ہے، جس ملک میں قائد حزب اختلاف کو ہر وقت کٹہرے میں کھڑا کیا جائے وہاں کونسی جمہوریت ہے، اس جمہوریت نے ریاست پاکستان کو جنگل میں تبدیل کر دیا ہے، پاکستان میں بدقستمی سے جمہوریت نے وہ سفر طے نہیں کیا جو کیا جانا چاہیے تھا۔سعدرفیق کا کہنا تھا پاکستان میں 4 مارشل لاء آئے، پاکستان آزاد ہوگیا مگر آزادی صرف اشرافیہ تک رہی، عام آدمی تک نہیں پہنچی، شہباز شریف ان مشکلات سے نکل جائے گا۔ انہوں نے کہا این ڈی ایم اے ناگہانی آفات کیلئے ہوتا ہے، یہاں خود آفات پیدا کی جا رہی ہیں، یہی نہیں پتا کہ کورونا وائرس سے متاثرہ کل کتنے افراد ہیں، جب ڈینگی ہوا تو شہباز شریف اور سلمان رفیق کی کاوشوں سے ڈینگی پر قابو پایا گیا، ڈینگی کا 8000 روپے کا ٹیسٹ مفت کیا گیا، آج 8 ہزار کا کورونا ٹیسٹ کیسے کروایا جاسکتا ہے۔

یہ بھی پڑھیں  حکومت نے ایل پی جی کی قیمتوں میں 10روپے فی کلوکمی کردی

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker