پاکستانتازہ ترین

پاکستان وینٹی لیٹر بنانے والے ممالک میں شامل، پہلی کھیپ تیار

اسلام آباد(پاک نیوز) پاکستان میں بننے والے وینٹی لیٹرز کی پہلی کھیپ تیار ہو گئی، فواد چودھری کہتے ہیں آئندہ ہفتے این ڈی ایم کے حوالے کر دیں گے، جان بچانے والی یہ تمام مشینیں یورپی یونین کے اسٹینڈرڈ کے مطابق ہیں۔پاکستان کیلئے ایک اور اعزاز، وینٹی لیٹر بنانے والے ممالک میں شامل ہو گیا، مزید ڈیزائن بھی چند روز میں فائنل ہونے کے قریب ہیں۔ وزیر سائنس فواد چودھری کا ٹویٹ میں کہنا ہے کہ ملک میں وینٹی لیٹرز بنانے میں کامیاب ہو گئے، میڈ اِن پاکستان وینٹی لیٹرز کی پہلی کھیپ قومی ادارے کو جلد دے دیں گے۔فواد چودھری کا مزید کہنا ہے کہ مزید تین ڈیزائن بھی آخری مراحل میں ہیں جس کے بعد جلد پاکستان ان چند ممالک میں شامل ہو جائے گا جو پیچیدہ میڈیکل مشینیں بناتے ہیں۔ یہ تمام مشینیں یورپی یونین کے اسٹینڈرڈ کے مطابق ہیں۔

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker