جمبر(نامہ نگار)مسلم لیگ ن ضلع قصور کے صدر رانا سکندر حیات خان نے جمبر پریس کلب کے نمائندے سے گفتگو کرتے ہوئے کہا کہ میاں نوازشریف نے آج اے پی سی میں ویڈیو لنک کے ذریعے خطاب کرتے ہوئے جو کہا وہ سب سچ ہے۔ 2018کے الیکشن میں جوکچھ ہوا وہ سب کے سامنے ہے۔ موجودہ حکومت نے عوام کو مایوسی کے سوا کچھ نہیں دیاہے اور اب پاکستانی عوام میاں نوازشریف سے امیدیں وابستہ کیے ہوئے ہے کہ وہ جلدتندرست ہوکر پاکستان آئیں اور ملک کی قیادت سنبھالیں تاکہ ملک ترقی کرے۔ رانا سکندرحیات نے کہا کہ مسلم لیگ ن کا ہر ووٹرمیاں صاحب کی بات کی تائید کرتا ہے اورہم رانابرادران ہمیشہ کی طرح آج بھی میاں صاحبان کے ساتھ کھڑے ہیں۔
