جمبر:جاوید عرف جیدی بیٹو گینگ گرفتار،ملزمان سے ایک لاکھ روپیہ، موٹر سائیکل و دیگر سامان برآمد

جمبر(نامہ نگار)جاوید عرف جیدی بیٹو گینگ گرفتار۔ملزمان تھانہ پھولنگرو تھانہ چھانگامانگا کی حدود میں موٹرسائیکل سوار، گاڑیوں اور راہگیروں سے اسلحہ کے زور پر نقدی، موبائل وغیرہ چھین کر روپوش ہوجاتے تھے۔اس گینگ کو پکڑنے کے لیے ڈی پی او قصور نے محمداکرام خان ڈی ایس پی پتوکی کی قیادت میں ٹیم تشکیل دی۔ ٹیم میں ایس ایچ او پھولنگر سید ثقلین بخاری اور چوکی انچارج جمبر شفقت جاوید ایس آئی و ملازمان تھانہ پھولنگر شامل تھے۔انہوں نے اپنی شب روز کی محنت سے اس چار رکنی گینگ کو گرفتار کیا۔گرفتار ہونے والوں میں جاوید عرف جیدی ولد عبدالرحمن بیٹو، عابد رضا ولد سلامت مسیح،آصف ولد شریف اور شہباز ولدارشدشامل ہیں۔ ملزمان سے ایک لاکھ روپیہ، دو عدد موٹر سائیکل و دیگر مسروقہ سامان برآمد ہوا۔ملزمان سے آتش اسلحہ،30بور4عددبمعہ25عدد گولیاں بھی برآمد کیں۔ گینگ کی گرفتاری پر علاقہ میں امن وامان قائم ہوا اور عوام نے پولیس کی کاوشوں کو سراہایا۔ ڈی پی او قصور نے ٹیم کے لیے نقد انعام اور سرٹیفیکیٹ دینے کا اعلان کیا۔