اسلام آباد(پاک نیوز) الیکشن کمیشن آف پاکستان نے یوسف رضا گیلانی کو سینیٹ الیکشن لڑنے کیلئے اہل قرار دے دیا۔ تحریک انصاف کے تمام اعتراضات مسترد کر دیے گئے۔تفصیلات کے مطابق الیکشن کمیش نے سینٹ انتخابات کے لئے سابق وزیراعظم یوسف رضا گیلانی کے کاغذات نامزدگی کے حوالے سے محفوظ فیصلہ سناتے ہوئے کہا کہ یوسف رضا گیلانی کی پانچ سالہ نااہلی ختم ہوچکی ہے ان کیخلاف مقدمات عدالتوں میں زیر التواء ہیں زیرالتواء مقدمات پر کسی کو الیکشن لڑنے سے نہیں روکا جا سکتا فیصلہ کے بعد الیکشن کمیشن کے باہر میڈیا سے گفتگو کرتے ہوئے یوسف رضا گیلانی کے وکیل ملک جاوید اقبال کا کہنا تھا کہ آج کے فیصلے نے ثابت کیا کہ آج ، قانون، حق، اور جمہوریت کی جیت ہوئی ہے۔الیکشن کمیشن نے اسلام آباد کی دو سیٹوں کے لئے اسکروٹنی کا عمل مکمل کر لیا ہے۔ دس میں سے نو امیدواروں کے کاغذات نامزدگی منظور جبکہ ایک کے مسترد کردیے گئے۔
