کوئٹہ(پاک نیوز)بلوچستان عوامی پارٹی (باپ) نے خیبرپختونخوا حکومت سے اتحاد ختم کرنے کا اعلان کردیا۔صوبائی پارلیمانی لیڈربلاول آفریدی کا کہنا تھاکہ خیبرپختونخوا حکومت سے اتحاد ختم کرنے کا اعلان کرتے ہیں ، عدم اعتماد میں حکومت کا ساتھ نہیں دیں گے۔انہوں نے کہا کہ جلد قومی اسمبلی، سینیٹ اور بلوچستان میں بھی حکومت کے ساتھ اتحاد ختم کریں گے اور اپوزیشن بینچوں پر بیٹھ کر اپنا احتجاج ریکارڈ کرائیں گے۔ بلاول آفریدی کا کہنا تھاکہ ضم اضلاع کے منتخب نمائندوں کے اجلاس میں وزیراعلیٰ نے ہمیں مدعو نہیں کیا ،ہمارے ساتھ نا انصافی کی جا رہی ہے فنڈز پی ٹی آئی ارکان کو دیے جا رہے ہیں، باپ کی سینیئر لیڈرشپ کے ساتھ رابطے میں ہیں
