دبئی(نمائندہ سپورٹس) پاکستان کرکٹ ٹیم کے کپتان بابر اعظم سے ٹی ٹوئنٹی رینکنگ کی پہلی پوزیشن چھن گئی۔انٹرنیشنل کرکٹ کونسل (آئی سی سی) نے پلیئرز کی نئی رینکنگ جاری کر دی ہے۔پلیئرز رینکنگ کے مطابق قومی وکٹ کیپرمحمد رضوان نمبر ون ٹی ٹوئنٹی پلئیرز بن گئے۔بابر اعظم رینکنگ میں دوسرے نمبر پر آ گئے، وہ ایک ہزار سے زائد دنوں تک نمبر 1 ٹی ٹوئنٹی بیٹررہے۔ایشیا کپ کی تین اننگز میں بڑا اسکور نہ کرنے پر بابر اعظم کے رینکنگ پوائنٹس 810 سے 794 ہو گئے۔ انہوں نے ایشیا کپ میں اب تک تین میچز میں 10، 9 اور 14 رنز بنائے ہیں۔اس کے علاوہ جنوبی افریقا کے ایڈن مارکرم ٹی ٹوئنٹی رینکنگ میں تیسرے نمبر پر آ گئے جبکہ بھارت کے سوریا کمار یاد چوتھے نمبر پر چلے گئے۔خیال رہے کہ محمد رضوان ایشیا کپ کے اب تک ٹاپ اسکورر ہیں۔
