اسلام آباد(بیوروچیف) افغان صدر حامد کرزئی اور وزیر اعظم نواز شریف کی ون آن ون ملاقات جاری ہے، ملاقات میں دو طرفہ تعلقات،خطے کی موجودہ صورتحال ،طالبان سے مذاکرات اور آئندہ سال افغانستان سے بین الاقوامی افواج کی واپسی کے بعد کی صورتحال پر تبادلہ خیال کیا جائے گا۔افغان صدر حامد کرزئی کی وزیراعظم ہاوس آمد پر اْن کا پرتپاک استقبال کیاگیا اور استقبالیہ تقریب منعقد ہوئی۔قبل ازیں فغان صدر حامد کرزئی ایک روزہ دورے پر پاکستان پہنچ گئے، افغان صدر کی اسلام آباد آمد پر ہوائی اڈے پروزیراعظم کے قومی سلامتی اور خارجہ امور کے مشیر سرتاج عزیز نے معززمہمان کا استقبال کیا۔ پاک فوج کے چاق و چوبند دستے نے افغان صدر کو سلامی دی جبکہ روایتی لباس میں ملبوس بچوں نے انھیں گلدستے پیش کئے۔ذرائع کے مطابق افغان صدر پاکستان کے صدر مملکت جنرل آصف علی زرداری سے بھی ملاقات کریں گے۔
You must be logged in to post a comment.