جدہ(نمائندہ خصوصی)پاکستان اور سعودی عرب کے درمیان حج 2014 کا معاہدہ طے پاگیا، معاہدے کے تحت رواں سال ایک لاکھ 43 ہزار پاکستانی حج کی سعادت حاصل کرینگے۔پاکستان کی جانب سے وفاقی وزیرمذہبی امورسردارمحمد یوسف جبکہ سعودی عرب کے وزیرحج ڈاکٹربندرالحجارنے جدہ میں معاہدے پر دستخط کیے ۔ وزیر مذہبی امور کا کہنا ہے کہ عازمین کے قیام کی مدت 40 دن ہی ہوگی،اس سال بھی عازمین کو ہرممکن سہولیات فراہم کریں گے۔ انہوں نے کہا کہ عازمین حج کی تعداد سمیت انتظامات کی منظوری کابینہ دے گی۔
