پاکستانتازہ ترین

ہڑتال کااعلان ”انکل الطاف“ کے خلاف سازش ہے :بلاول بھٹو

کراچی(بیوروچیف)پیپلز پارٹی کے سرپرستِ اعلیٰ بلاول بھٹو زرداری نے کہا ہے کہ ہڑتال کا اعلان ”انکل الطاف“ کے خلاف سازش ہے ،ہڑتالوں کی سیاست سے ایم کیو ایم کی ساکھ متاثر ہو گی، ”انکل الطاف“ سے اپیل کرتے ہیں کہ ہفتے کو ہڑتال کی کال واپس لیں۔ سماجی رابطے کی ویب سائٹ پر پیغام میں بلاول بھٹو زرداری نے کہا کہ متحدہ قومی موومنٹ کے جائز خدشات پر ہم دردی ہے لیکن ہڑتالوں کی سیاست کرکے کراچی والوں کو دوبارہ یرغمال بنانے سے ایم کیو ایم کی ساکھ متاثر ہوگی، تاجروں اور ٹرانسپورٹروں کو دھمکانا الطاف حسین کے فلسفہء محبت کے منافی ہے۔ بلاول بھٹو کا اپنے ٹوئٹ میں کہنا تھا کہ وہ پہلے ہی ایم کیو ایم کے اندر موجود الطاف حسین کی مخالف قوتوں کے بارے میں خبر دار کر چکے ہیں، انہیں خدشہ ہے کہ ہڑتال کا اعلان ”انکل الطاف“ کے خلاف سازش ہے لیکن امید ہے کہ ایم کیو ایم کے قائد اِس سازش کا شکار نہیں ہوں گے۔

یہ بھی پڑھیں  ہم دوستی نبھانا بھی جانتے ہیں اور دشمنی کے قرض اتارنا بھی جانتے ہیں، آرمی چیف

یہ بھی پڑھیے :

Back to top button

Adblock Detected

Please consider supporting us by disabling your ad blocker