پاکستانتازہ ترین

شہبازشریف کا نام شوبازشریف رکھ دیاگیا

لاہور(نامہ نگار) پنجاب اسمبلی میں قائد حزب اختلاف میاں محمود الرشید کا کہنا ہے کہ شہبازشریف نے 6 ماہ میں لوڈشیڈنگ ختم کرنے کادعویٰ کرتے ہوئے کہا تھا کہ وہ وعدہ پورا نہ کرسکیں تو ان کا نام بدل دیجئے گا اب تحریک انصاف نے وزیراعلیٰ پنجاب کا نیا نام شوباز شریف تجویز کیا ہے۔ تحریک انصاف پنجاب کے زیراہتمام لوڈشیڈنگ کےخلاف پنجاب اسمبلی کے سامنے احتجاجی کیمپ سے خطاب کے دوران میاں محمود الرشید کا کہنا تھا کہ مسلم لیگ (ن) سیاسی تنہائی کا شکار ہوگئی ہے، احتجاج کرنا جمہوری حق ہے، میاں برادران بھی ماضی میں ٹرین مارچ، لانگ مارچ اور شارٹ مارچ کرچکے ہیں، شیخ رشید کو گرفتارنہیں کیا جانا چاہئے۔ پنجاب اسمبلی میں قائد حزب اختلاف کا کہنا تھا کہ شہبازشریف میٹرو بس اورفلائی اوورز کے چکروں سے نکل کرتوانائی کا بحران حل کریں، وزیراعلیٰ پنجاب شہبازشریف نے 6 ماہ میں لوڈشیڈنگ ختم کرنے کادعویٰ کرتے ہوئے کہا تھا کہ وہ وعدہ پورا نہ کرسکیں تو ان کا نام بدل دیجئے گا، اب ان کی حکومت کو ایک سال ہوگیا مگران کا وعدہ پورا نہیں ہوسکا اس لئے ہم نے وزیراعلیٰ پنجاب کا نیا نام شوباز شریف تجویز کیا ہے، آئندہ ہم انھیں نئے نام سے بلائیں گے اور عوام کے مسائل حل نہ ہوئے تو شہبازشریف کا نام ہمیشہ کے لئے شوباز شریف مشہور ہوجائے گا۔

یہ بھی پڑھیں  گو نواز گو‘ والا نوٹ قابل قبول نہیں ہو گا: اسٹیٹ بینک

یہ بھی پڑھیے :

Back to top button

Adblock Detected

Please consider supporting us by disabling your ad blocker