پاکستانتازہ ترین

سپرمون اتوار کو ہوگا ،پاکستان میں بھی دیکھا جاسکےگا

کراچی(نمائندہ خصوصی)دنیا کو اس سال کا سب سے چکمتا دمکتا چاند10 اگست کو دیکھنے کو ملے گا۔پاکستان میں بھی دکھائی دےگا۔سائنسدان اور نجومی اپنے اپنے حساب کتاب میں مصروف ہیں۔اس سال کا سپر مون یعنی سب سے بڑا چاند 10 اگست بروز اتوار پاکستانی وقت کے مطابق رات 10 بج کر 44 منٹ پر دیکھا جا سکے گا۔ سائنس دانوں کے مطابق سپر مون سال میں ایک بار اپنا دیدار کراتا ہے جب پورے چاند کی رات میں اس کا حجم اور چمک عام چودھویں کے چاند سے کہیں زیادہ ہوتی ہے۔۔اس سے قبل جولائی میں ہونے والے ایک پورے چاند کو سپر مون قرار دیا گیا تھا جس کے بعد کہا جا رہا تھا کہ اس سال غیر معمولی طور پر تین سپر مون دیکھے جا سکیں گے تاہم سائنس دانوں نے اس خیال کو رد کرتے ہوئے کہا ہے کہ 10 اگست کو ہونے والا سپر مون جولائی اور ستمبرکے پورے چاند سے زیادہ بڑا ہوگا ۔ پاکستان سمیت دنیا بھر کے وہ ممالک جہاں سپر مون کی پیدائش کے وقت رات ہوگی ان مقامات پر اسے واضح طور پر دیکھا جا سکے گا۔

یہ بھی پڑھیے :

Back to top button
error: Content is Protected!!