تازہ ترینکھیل

اوول ٹیسٹ:بھارتی ٹیم 148 رنز پرڈھیر

لندن(نمائندہ سپورٹس)انگلینڈ نے اوول ٹیسٹ میں مضبوط بھارتی بیٹنگ لائن کے پرخچے اڑا دیئے، میزبان ٹیم کی جانب سے کپتان مہندرا سنگھ دھونی کے سوا کوئی بیٹسمین وکٹ پر جم نہ سکا اور پوری ٹیم 148 رنز پر پویلین لوٹ گئی۔ انگلینڈ کے شہر لندن کے اوول گراؤنڈ میں جاری 5 ٹیسٹ میچز سیریز کے پانچویں اور آخری ٹیسٹ کے پہلے روزانگلش کپتان السٹرل کک نے ٹاس جیت کر میزبان بھارت کو پہلے کھیلنے کی دعوت دی تو میزبان ٹیم کا آغاز اچھا نہ رہا اور وقفے وقفے سے وکٹیں گرتی چلی گئیں۔ بھارت کو پہلا نقصان 3 کے مجموعی اسکور پر گوتم گمبیر کی شکل میں ہوا جب کہ جیمس انڈریسن کی گیند پر وکٹ کیپر کو کیچ دے کر بغیر کوئی رنز بنائے پویلین لوٹ گئے جس کے بعد آنے والے بلے باز چریشور پجارا بھی 4 رنز بنانے کے بعد میدان بدر ہوگئے، اسی طرح  مورالی وجے 18، ویرات کوہلی 6، اسٹراٹ بینی 4 اور اجنکایا ریہانے بغیر کوئی رنز بنائے پویلین لوٹے۔ دوسری جانب کپتان مہندرا سنگھ دھونی نے انگلش بولروں کا ڈٹ کر مقابلہ کیا اور محتاط انداز میں بیٹنگ کرتے ہوئے 140 گیندوں پر 82 رنز بنائے، چائے کے وقفے کے بعد دھونی بھی اسٹراٹ براڈ کی گیند پر کرس ووکس کو کیچ دے بیٹھے اور اس طرح  پوری ٹیم صرف 148 تک ہی محدود رہ سکی۔ جواب میں انگلش ٹیم نے بغیر کسی نقصان کے 38 رنز بنا لئے۔انگلینڈ کی جانب سے کرس جورڈن اور کرس ووکس نے شاندار بولنگ کا مظاہرہ کرتے ہوئے 3،3 جبکہ جیمس انڈریسن اور اسٹراٹ براڈ نے 2،2 وکٹیں حاصل کیں۔واضح رہے کہ 5 میچز پر مشتمل ٹیسٹ سیریز میں انگلینڈ کو بھارت پر 1-2 کی برتری حاصل ہے جبکہ ایک ٹیسٹ میچ بغیر کسی نتیجے کے ختم ہوا۔

یہ بھی پڑھیے :

Back to top button