پاکستانتازہ ترین

مریم نواز نے وزیراعظم یوتھ لون اسکیم کی چیرپرسن شپ سے استعفیٰ دیدیا

لاہور(نامہ نگار) وزیراعظم نوازشریف کی صاحبزادی مریم نواز نے وزیراعظم یوتھ لون اسکیم کی چیرپرسن شپ سے استعفیٰ دے دیا۔وزیراعظم نوازشریف کی صاحبزادی مریم نواز نے ’’وزیراعظم یوتھ لون اسکیم پروگرام‘‘ سے بطور چیرپرسن استعفیٰ دے دیا ہے جسے انہوں نے کیبنٹ ڈویژن کو بھی بھجوا دیا ہے۔ ذرائع کا کہنا ہےکہ مریم نواز نے استعفے کے معاملے پر وزیراعظم نوازشریف سے بھی مشاورت کی تھی جب کہ ان کا استعفیٰ وزیراعظم ہاؤس کو بھی موصول ہوگیا ہے جسے وزیراعظم نوازشریف اپنی وطن واپسی کے بعد منظور کریں گے۔ مریم نوازنے استعفیٰ کی تصدیق کرتے ہوئے کہا  کہ میری ذات بڑی نہیں  بلکہ وزیراعظم یوتھ پروگرام ضروری ہے جسے ہم نے ملک کے کونے کونے میں پھیلا دیا ہے جس سے ملک کے لاکھوں طلبا کو فائدہ ہورہا ہے اس لیے میری وجہ سے اس پروگرام کو کوئی نقصان نہیں پہنچنا چاہئے۔ انہوں نے کہا کہ مجھے وزیراعظم کے ساتھ مزید کام کرنا ہے اور میں ان کی سربراہی میں اسی عزم کے ساتھ کام کرتی رہوں گی۔واضح رہے کہ لاہو ہائی کورٹ میں مریم نواز کی بطور چیرپرسن وزیراعظم یوتھ  لون پروگرام کے خلاف دراخواست دائر کی گئی تھی جس میں عدالت نے ان کی تقرری سے متعلق جمعہ تک فیصلہ محفوظ کر رکھا ہے۔

یہ بھی پڑھیں  ریسکیو1122 اوکاڑہ نے انسدادِڈینگی مہم کا باقاعدہ آغاز کر دیا

یہ بھی پڑھیے :

Back to top button

Adblock Detected

Please consider supporting us by disabling your ad blocker