تازہ ترینفن فنکار

مادھوری ڈکشٹ 46 سال کی ہوگئیں

madhoriممبئی(نمائندہ شوبز) بالی ووڈ میں اداکاری کے ساتھ ساتھ اپنی ڈانس کی صلاحیتوں کی وجہ سے منفرد پہچان رکھنے والی مادھوری ڈکشٹ آج 46ویں سالگرہ منارہی ہیں۔ 15مئی 1967کو بھارتی ریاست مہارشٹرا کے شہر ممبئی میں پیدا ہونے والی مادھوری شنکر ڈکشٹ نے اپنے ایکٹنگ کیرئیر کا آغاز1984میں فلم Abodh سے کیا تاہم بالی ووڈ میں انہیں پہلی کامیابی1988میں فلم” تیزاب "سے ملی۔اس کے بعد مادھوری نے پرندہ، دل، ہم آپکے ہیں کون، ساجن، بیٹا، کھلنائیک، دل تو پاگل ہے، پکار اور دیوداس جیسی کئی کامیاب فلموں میں لازوال اداکاری کا مظاہرہ کرتے ہوئے بہترین اداکارہ کے کئی ایوارڈز اپنے نام کیے۔ بالی ووڈ کو کئی ہٹ فلمیں دینے والی مادھوری نے شادی کے بعد کچھ عرصے کے لیے بالی ووڈ سے کنارہ کشی اختیار کرلی اور اپنے گھر اور بچوں پر دھیان دینے لگیں۔ بالی ووڈ میں مادھوری کی واپسی فلم”آجا نچ لے”سے ہوئی جسکے بعد مشہور ڈانس رئیلٹی شو”جھلک دکھلا جا سیزن فور اور فائیو میں انہوں نے جج کے فرائض بخوبی سر انجام دیتے ہوئے بھارتی عوام کو پھر اپنے سحر میں جکڑ لیا۔مادھوری ڈکشٹ کا نام ناصرف فوربز میگزین میں بھارت کے صفِ اول کے پانچ طاقتور ترین فلم اسٹارزمیں شامل ہے بلکہ انہیں بھارت کے چوتھے بڑے سویلین اعزاز پد ما شری سے بھی نوازا جاچکا ہے۔

یہ بھی پڑھیں  جمہوریت اسلام کی مرہون منت ہے

یہ بھی پڑھیے :

Back to top button

Adblock Detected

Please consider supporting us by disabling your ad blocker