پاکستانتازہ ترین

میگا کرپشن کیسزکی فہرست میں نوازشریف، شہبازشریف اورآصف زرداری کا نام شامل

اسلام آباد (بیوروچیف) نیب نے زیرتفتیش 150 ہائی پروفائل میگا کرپشن کیسزکی فہرست سپریم کورٹ میں جمع کرا دی ہے جس کے تحت وزیر اعظم نوازشریف، وزیراعلٰی پنجاب شہباز شریف اور وفاقی وزیر خزانہ اسحاق ڈار سمیت کئی بڑے بڑے نام تحقیقات کاسامنا کرنےوالوں میں شامل ہیں۔ قومی احتساب بیورو کی جانب سے سپریم کورٹ میں جمع کرائی گئی رپورٹ میں بتایا گیا ہے کہ وزیر اعظم نواز شریف کے خلاف ایف آئی اے میں بھرتیوں اور اختیارات کے غلط استعمال سے متعلق ٹرائل جاری ہے۔ سابق صدر آصف علی زرداری، چوہدری شجاعت حسین اور اسحاق ڈار کے خلاف ان کی معلوم آمدنی سے زیادہ اثاثے بنانے پر ٹرائل احتساب عدالتوں میں زیر سماعت ہیں۔ یوسف رضا گیلانی کے خلاف اوگرا میں اختیارات کے غلط استعمال پر ٹرائل چل رہا ہے جبکہ راجہ پرویز اشرف کے خلاف رینٹل پاور منصوبوں میں اختیارات کے غلط استعمال پر احتساب عدالتوں میں ریفرنسز زیر سماعت ہیں۔رپورٹ کے مطابق آفتاب شیر پاؤ کے خلاف آمدن سے زیادہ اثاثے بنانے، فردوس عاشق اعوان کے خلاف اختیارات کے غلط استعمال، امریکا میں پاکستان کے سابق سفیر حسین حقانی کے خلاف ایف ایم ریڈیو کے غیر قانونی لائسنس کے اجرا پر ٹرائل جاری ہے۔ وزیراعلٰی پنجاب شہباز شریف اور سابق وزیر اعلیٰ بلوچستان نواب اسلم ریئسانی کے علاوہ ایف بی آر، اوگرا اور ای او بی آئی کے سابق سربراہان کے خلاف بھی کرپشن کے مقدمات احتساب عدالتوں میں زیر سماعت ہیں۔

یہ بھی پڑھیں  پاکستان مسلم لیگ (ن) یوتھ ونگ سٹیج کے کارکنوں نے کراچی پریس کلب کے باہر فرانس میں ایک میگزین کی طرف سے شائع گستاخانہ خاکے، کیخلاف احتجاج. کر رہے ہیں

یہ بھی پڑھیے :

Back to top button

Adblock Detected

Please consider supporting us by disabling your ad blocker