پاکستانتازہ ترین

ملک بھر میں لاکھوں فرزندان اسلام آج اعتکاف میں بیٹھیں گے

لاہور(نمائندہ خصوصی) ملک بھر میں لاکھوں فرزندان اسلام آج سے اعتکاف میں بیٹھنے کی سعادت حاصل کریں گے۔ویسے تو رمضان المبارک کا پورا مہینہ ہی رحمتوں اور برکتوں سے مامور ہے لیکن رمضان المبارک کے آخری عشرے میں لیلۃ القدر کی تلاش میں اہل ایمان دنیا سے کٹ کر اپنا ناطہ رب العالمین سے جوڑ لیتے ہیں۔ رمضان المبارک کے آخری عشرے میں اللہ رب العزت کی خوشنودی کے لئے اعتکاف کرنا رسول کریم صلی اللہ علیہ وسلم کی سنت ہے۔نبی اکرم صلی اللہ علیہ وسلم کی سنت کی اتباع میں ہر سال کی طرح رواں برس بھی ملک بھر کے ہر چھوٹے بڑے شہر، قصبے اور دیہات کی مساجد میں لاکھوں افراد اعتکاف میں بیٹھنے کی سعادت حاصل کریں گے، اعتکاف میں شرکت کے لئے لوگ آج عصر کے وقت مساجد میں داخل ہوں گے اور شوال المبارک کا چاند نظرآنے پر ان کا اعتکاف ختم ہوجائے گا۔ اس دوران معتکفین رمضان المبارک کے آخری عشرے کی طاق راتوں میں لیلۃ القدر کو تلاش کرنے کے لئے اللہ کے حضور عبادات کرتے ہوئے اپنی حاجات و مناجات پیش کریں گے۔

یہ بھی پڑھیں  پاکستان کی نامور شاعرہ رقیہ غزل اپنا کلام سناتے ہوئے

یہ بھی پڑھیے :

Back to top button

Adblock Detected

Please consider supporting us by disabling your ad blocker