پاکستانتازہ ترین

وزیراعظم نواشریف سے ترک صدر طیب اردوان کی ملاقات

اسلام آباد(بیوروچیف)ترک صدر رجب طیب اردوان نے وزیراعظم نوازشریف سے ملاقات کی جس میں دو طرفہ تعلقات سمیت علاقائی وعالمی امور پر تبادلہ خیال کیا گیا۔سرکاری خبر رساں ادارے کے مطابق ترک صدر رجب طیب ارداوان مختصر دورے پر اسلام آباد پہنچے، وزیراعظم نوازشریف نے ایئرپورٹ پر ان کا استقبال کیا جب کہ اس موقع پر وزیراعلیٰ پنجاب شہباز شریف اور سیکریٹری خارجہ اعزاز چوہدری بھی موجود تھے۔وزیراعظم نوازشریف نے ترک صدر سے وزیراعظم ہاؤس میں ملاقات کی جس میں دو طرفہ تعلقات سمیت علاقائی و عالمی امور پر تبادلہ خیال کیا گیا جب کہ اس دوران ترک صدر نے خطے میں امن کی کوششوں کے لیے پاکستان کے کردار کی تعریف کی۔ ذرائع کا کہنا ہے کہ وزیراعظم نوازشریف کی جانب سے ترک صدر کے اعزاز میں عشائیہ دیا جائے گا اور وہ آج رات ہی ترکی روانہ ہوجائیں گے۔واضح رہے منصب صدارت سنبھالنے کے بعد رجب طیب اردوان کا پہلا دورہ پاکستان ہے۔

یہ بھی پڑھیے :

Back to top button
Close

Adblock Detected

Please consider supporting us by disabling your ad blocker