پاکستانتازہ ترین

عمران خان کا این اے 122 کے فیصلے تک قومی اسمبلی میں نہ جانے کا فیصلہ

اسلام آباد(بیوروچیف)پاکستان تحریک انصاف کے چیرمین عمران خان نے قومی اسمبلی کے حلقے این اے 122 کے فیصلے تک قومی اسمبلی کے اجلاس میں شرکت نہ کرنے کا فیصلہ کیا ہے۔تحریک انصاف کے چیرمین کے ترجمان نعیم الحق نے نجی چینل سے گفتگو کرتے ہوئے کہنا تھا کہ عمران خان نے یہ فیصلہ کیا ہے کہ وہ این اے 122 کے حلقے کا فیصلہ آنے تک قومی اسمبلی کے اجلاس میں شرکت نہیں کریں گے۔ ان کا کہنا تھا کہ این اے 122 کا فیصلہ ایک دو روز میں متوقع ہے جس کے بعد عمران خان قومی اسمبلی کے اجلاس میں شرکت کریں گے۔نعیم الحق کا کہنا تھا کہ قومی اسمبلی میں اس وقت شاہ محمود قریشی اور دیگر اراکین تحریک انصاف کی نمائندگی بھرپور طریقے سے کر رہے ہیں اور کرتے رہیں گے۔واضح رہے کہ این اے 122 میں عمران خان اور اسپیکر قومی اسمبلی سردار ایاز صادق مد مقابل تھے جس میں عمران خان کو شکست کا سامنا کرنا پڑا تھا، عمران خان نے سردار ایاز صادق کی کامیابی کو چیلنج کردیا تھا۔

یہ بھی پڑھیں  جاوید ہاشمی کو سابق وزیراعظم نواز شریف سے ملاقات کی اجازت نہ ملی

یہ بھی پڑھیے :

Back to top button

Adblock Detected

Please consider supporting us by disabling your ad blocker