پاکستانتازہ ترین

وزیر اعظم نے وفاقی کابینہ کا اجلاس کل طلب کر لیا

اسلام آباد(پاک نیوز)وزیر اعظم عمران خان نے وفاقی کابینہ کا اجلاس کل طلب کر لیا۔نمائندہ ہم نیوز کے مطابق وفاقی کابینہ کا اجلاس کل صبح ساڑھے گیارہ بجے ہو گا  جس کا پانچ نکاتی ایجنڈا جاری کر دیا گیا۔اجلاس میں وفاقی کابینہ لاک ڈاون میں نرمی یا ختم کرنے پر حتمی مشاورت کرے گی۔ وفاقی کابینہ ملکی معاشی و سیاسی صورتحال پر بھی غور کرے گی۔کابینہ اجلاس میں احساس پروگرام کے تحت ریلیف پیکج میں پیشرفت کا جائزہ لیا جائے گا جبکہ کابینہ چھوٹا کاروبار کے تحت صنعتی اور کمرشل بجلی کنکشن میں رعایت پر بھی بات کرے گی۔کابینہ کو مقامی طور پر تیار ماسک، سینیٹائیزرز اور حفاظتی آلات پر بریفنگ دی جائے گی اور وفاقی کابینہ 61 فوڈ، نان فوڈ اشیاء کو لازمی سرٹیفکیشن مارک اسکیم میں شامل کرنے کی منظوری دے گی۔وفاقی کابینہ کے اجلاس میں کابینہ کے فیصلوں پر عملدرآمد کا جائزہ بھی لیا جائے گا۔ ملک میں دستیاب نوٹوں پر وارنش کوٹنگ کا خاتمہ بھی ایجنڈے میں شامل ہے۔ دو ماہ تک بغیر وارنشنگ کے نوٹ چھاپنے کیلئے سمری کابینہ کو ارسال کردی گئی ہے۔

یہ بھی پڑھیں  ڈی پی او اوکاڑہ کو ٹیلی فون پر بم پھاڑنے کی دھمکی دینے والے ملزم کو انسداد دہشت گردی کی، خصوصی عدالت نے جیل بھجوا دیا

یہ بھی پڑھیے :

What is your opinion on this news?

Back to top button
Close

Adblock Detected

Please consider supporting us by disabling your ad blocker