شہ سرخیاں
بنیادی صفحہ / پاکستان / آرمی چیف کی وجہ سے امداد مل رہی ہے، شہباز شریف

آرمی چیف کی وجہ سے امداد مل رہی ہے، شہباز شریف

اسلام آباد (پاک نیوز) قومی اسمبلی میں اپوزیشن لیڈر میاں شہباز شریف نے کہا ہے کہ چین، سعودی عرب، اور برادر ملک متحدہ عرب امارات کی جانب سے پاکستان کو جو امداد مل رہی ہے، اس بارے میں کسی کوغلط فہمی میں نہیں رہنا چاہیے۔اپوزیشن لیڈر میاں شہباز شریف کا قومی اسمبلی میں اظہار خیال کرتے ہوئے کہنا تھا کہ مہمند ڈیم بہت اہمیت کا حامل ہے، اس حوالے سے بے شمار بحث ہو چکی ہے، آبی ذخائر بنانا وقت کی اہم ترین ضرورت ہے، اس کے لیے ہماری حکومت نے دو ارب مختص کیے تھے۔شہباز شریف نے کہا کہ موجودہ حکومت میں غریب آدمی کی حالت کسی سے ڈھکی چھپی نہیں، مہنگی بجلی بنائی جا رہی ہے، ادویات میں پندرہ فیصد اضافہ ہوا اور سرکلر ڈیٹ دوبارہ اژدھا بن کر سامنے آ رہا ہے۔ پورے ملک میں مہنگائی کی شدید لہر ہے اور بجلی بحران دوبارہ سر اٹھا رہا ہے۔ان کا کہنا تھا کہ مہمند ڈیم پیپرا رولز کیخلاف نہیں اور خوش آئند بات ہے لیکن کون سی قیامت آ گئی تھی کہ ایک بڈ پر ٹھیکہ دے دیا گیا، دوسری کمپنی کو ٹیکنکل گراؤنڈ پر منصوبہ نہیں دیا گیا۔انہوں نے کہا کہ مہمند ڈیم کا بڈنگ کا پراسس ہماری حکومت میں شروع ہوا، اس کا کنٹریکٹ دینے کی ذمہ داری ہماری نہیں تحریک انصاف کی ہے۔ پیپرا رولز کی نفی قوم کیساتھ بہت بڑا دھوکہ ہے۔شہباز شریف نے کہا کہ یہ مفادات کا ٹکراؤ ہے، حکومت شفافیت اور میرٹ کا دن رات ڈھنڈورا پیٹتی ہے۔ ہمارا عبدالرزاق داؤد سے کوئی گلا نہیں، وہ اچھے انسان ہیں، بات اس وقت پاکستان کی ایک ایک پائی کی ہے، وہ حکومتی مشیر اور اپنے بیٹے کی کمپنی کے شیئر ہولڈر ہیں۔اپوزیشن لیڈر نے کہا کہ سعودی عرب، یواے ای اور چین کی مہربانی مشکل وقت میں ساتھ دیا، اس میں حکومت یا عمران خان کا کوئی کمال نہیں، سپہ سالار کی وجہ سے پاکستان کی مدد کی جا رہی ہے، کسی کوغلط فہمی میں نہیں رہنا چاہیے

یہ بھی پڑھیں  ڈیرہ غازیخان ڈویژن میں ملاوٹ مافیا کے خلاف کارروائی