شہ سرخیاں
بنیادی صفحہ / تازہ ترین / آسٹریلیا کیخلاف ون ڈے ٹیم کا اعلان، شعیب ملک کپتان نامزد

آسٹریلیا کیخلاف ون ڈے ٹیم کا اعلان، شعیب ملک کپتان نامزد

لاہور(نمائندہ سپورٹس) آسٹریلیا کے خلاف ون ڈے سیریز کے لیے 16 رکنی قومی اسکواڈ کا اعلان کردیا گیا جب کہ شعیب ملک ٹیم کی قیادت کریں گے۔ مڈل آرڈر بلے باز عمر اکمل کی دوسال بعد ٹیم میں واپسی ہوئی۔پاکستان اور آسٹریلیا کے درمیان 5 میچز پر مشتمل ون ڈے سیریز 22 مارچ سے متحدہ عرب امارات میں شروع ہورہی ہے۔ قومی ٹیم کے کپتان سرفراز احمد کو آرام دیا گیا ہے جن کی جگہ شعیب ملک قومی ٹیم کی قیادت کے فرائض انجام دیں گے۔آسٹریلیا کے خلاف اسکواڈ میں بلے باز عابد علی جگہ بنانے میں کامیاب رہے اور سرفراز احمد کی غیرموجودگی میں وکٹ کیپنگ کے فرائض محمد رضوان انجام دیں گے۔اسکواڈ میں شامل دیگر کھلاڑیوں میں امام الحق، شان مسعود، عمر اکمل، حارث سہیل، عماد وسیم، فہیم اشرف، محمد عامر، جنید خان، محمد عباس، عثمان خان شنواری، یاسر شاہ، سعد علی اور محمد حسنین شامل ہیں۔قومی ٹیم کے چیف سلیکٹر انضمام الحق کا کہنا ہے کہ سرفراز احمد، بابر اعظم، فخر زمان، شاہین آفریدی، شاداب خان اور حسن علی کو آرام دیا گیا ہے جب کہ حسین طلعت کو ڈراپ کیا گیا ہے۔چیف سلیکٹر کا کہنا تھا کہ ورلڈ کپ قریب ہے اور اس سے قبل آسٹریلیا کی سیریز بڑی ہے، اس وجہ سے شعیب ملک کو کپتان بنایا تاہم کسی کھلاڑیوں کو فٹنس کی وجہ سے آرام نہیں دیا۔

یہ بھی پڑھیں  *** غیرت صرف مرد تک ؟***